ކޮންމެހެން ބޭނުންވެއްޖެ ހާލަތެއްގައި ނޫނީ ބޭރަށް ނުދިއުމަށް އިލްތިމާސް ކޮށްފި
ކޮންމެހެން ބޭނުންވެއްޖެ ހާލަތެއްގައި ނޫނީ ބޭރަށް ނުދިއުމަށް ހެލްތު ޕްރޮޓެކްޝަން އެޖެންސީ(އެޗްޕީއޭ) އިން އިލްތިމާސް ކޮށްފިއެވެ.
އެޗްޕީއޭ އިން ނެރުނު ބަޔާނެއްގައި ބުނީ، މިހާރު ހަލުވިކަމާއިއެކު ދުނިޔޭގެ އެކި ހިސާބުތަކުގައި ފެތުރެމުންދާ ކޯވިޑް 19 ވައިރަހަށް ޕޮޒިވްފައިވާ މީހަކު މާލެ ތެރެއިން ފެނިފައިވާ ކަމަށާއި އެހެން ކަމުން ކުރިއަށްވުރެ ސަމާލުކަން ދީގެން ދީފައިވާ އިރުޝާދުތަކަށް ބޯލައިނބައިގެން އުޅުމަށް އިލްތިމާސް ކުރާ ކަމަށެވެ.
އެގޮތުން ކޮންމެހެން ޒަރޫރީ ކަމެއްގައި ނޫނީ ބޭރަށް ނުނިކުތުމަށާއި ގޭގައި އުޅޭ އިރުވެސް ގައިދުރު ކޮށްގެން އުޅުމަށް އެޗްޕީއޭ އިން އިލްތިމާސް ކުރިއެވެ.
މިހާތަނަށް ބެލި ބެލުމުން މާލެއިން ބައްޔަށް ޕޮސިޓިވްވި މީހާގެ އެއްވެސް ޓްރެވަލް ހިސްޓްރީއެއް ނެތްކަމަށް އެޗްޕީއޭއިން ވަނީ ބުނެފައެވެ. މާލެއިން ކޯވިޑް 19 އަށް ޕޮޒިޓިވް ވެފައިވަނީ މެދު އުމުރުގެ އަންހެނެކެވެ.
Ads by STO
