ކޮވިޑް-19: ރައީސް ސޯލިހު ގައުމާ މުހާތަބު ކުރައްވަނީ
ކޮވިޑް-19އާ ގުޅިގެން ރައީސް އިބްރާހިމް މުހައްމަދު ސޯލިހު ގައުމާ މުހާތަބު ކުރައްވަން ނިންމަވައިފިއެވެ.
ރައީސް ސޯލިހު ގައުމާ މުހާތަބު ކުރެއްވުމަށް ހަމަޖެހިފައިވަނީ މިއަދު ހަވީރު 3:45 ގައެވެ.
ރައީސް ގައުމާ މުހާތަބު ކުރެއްވުމަށް ހަމަޖެހިފައިވާއިރު، ވެރިރަށް މާލެ އިން މިއަދު ވަނީ ފުރަތަމަ ފަހަރަށް ކޮވިޑަށް ފައްސި ވެފައިވާ ދިވެއްސަކު ފެނިފައެވެ. އެއާއެކު މާލެ ސަރަހައްދު މިހާރު ވަނީ ލޮކްޑައުންގެ ހާލަތަށް ގެނެސްފައެވެ.
އެމީހާ ބައްޔަށް ޕޮޒިޓިވް ވެފައިވާކަން އެނގިފައިވަނީ މާލެ ފުލޫ ކްލިނިކަށް ދެއްކުމުން ކަމަށް އެޗްޕީއޭ އިން ހާމަކުރެއެވެ.
ރާއްޖެއިން ޖުމްލަ 21 މީހަކު ކޮވިޑަށް ފައްސި ވެފައިވެއެވެ. މީގެތެރެއިން 16 މީހަކު މިހާރު ވަނީ މިހާރު ބަލިން ރަނގަޅުވެފައެވެ. ރާއްޖެއިން ކޮވިޑަށް ޕޮޒިޓިވްވި މީހުންގެ ތެރެއިން ދެ މީހަކު ބައްޔަށް ފައްސިވިކަން އެނގުނީ ރާއްޖެ އިން ފުރިފަހުންނެވެ.
