އެމްޓީސީސީގެ ޑީއެމްޑީގެ މަގާމަށް މުބީން އައްޔަނުކޮށްފި
އެމްޓީޑީސީގެ ޑީއެމްޑީގެ މަގާމަށް އަހުމަދު މުބީން އައްޔަނުކޮށްފިއެވެ.
މުބީން އެ މަގާމަށާއި އެމްޓީސީސީގެ ޑިރެކްޓަރުގެ ބޯޑަށް އައްޔަނުކުރިކަން ހާމަކޮށް އެނާއަށް މަރުހަބާ ކިޔައި އެ ކުންފުނިން ސޯޝަލް މީޑިއާގައި ވަނީ މިއަދު ޕޯސްޓެއްކޮށްފައެވެ.
އަށާރަ ވަނަ މަޖިލީހުގައި ބިލެތްދޫ ދާއިރާގެ މެމްބަރުކަން ވެސް ކުރެއްވި މުބީން މި ސަރުކާރުގައި ފުރަތަމަ ހުންނެވީ ރީޖަނަލް އެއާޕޯޓްސް ކޮމްޕެނީ ލިމިޓެޑް (އާރުއޭސީއެލް)ގެ މެނޭޖިން ޑިރެކްޓަރު (އެމްޑީ)ގެ މަގާމުގައެވެ.
ނަމަވެސް އާރުސީއެލް އުވާލައި އެ ކުންފުނި އެމްއޭސީއެލްގެ ދަށަށް ގެންދަން ނިންމުމާއެކު މުބީން މަގާމުން އިސްތިއުފާދެއްވިއެވެ.
މުބީންގެ ކުރިން ޑީއެމްޑީގެ މަގާމުގައި ހުންނެވީ އަހުމަދު ޝަރީފް އަބްދުއްރަހްމާން ޔޫސުފް އެވެ. ނަމަވެސް އޭނާ ވަނީ މިދިޔަ މަހު އިސްތިއުފާ ދެއްވައިފައެވެ.
މުބީން އެމްޓީސީސީގެ ޑީއެމްޑީގެ މަގާމަށް އައްޔަނުކުރެއްވި އިރު ސަރުކާރާއި ކުންފުނިތަކުގެ އިސް ވެރިންގެ މަގާމުތަކަށް ބޮޑެތި ބަދަލުތައް ދަނީ ގެންނަމުންނެވެ.
