މާފަންނު ވީބީ މާޓް ޑިސްއިންފެކްޓް ކުރުމަށް އެދިއްޖެ
މާފަންނުގައި ހުންނަ ވީބީ މާޓް ޑިސްއިންފެކްޓް ކޮށްދިނުމަށް އެދެފިއެވެ.
މިހާރު ހަލުވިކަމާއިއެކު ދުނިޔޭގެ އެކި ހިސާބުތަކުގައި ފެތުރެމުން އަންނަ ކޯވިޑް 19 އަށް އެއްވެސް ފަހުގެ ޓްރެވަލް ހިޒްޓްރީ އެއް ނެތް މާފަންނުގައި ހުންނަ ގެޔަކު ދިރިއުޅޭ މީހަކު ޕޮޒިޓިވް ވުމާއި ގުޅިގެން އެ ސަރަހައްދުގައި ހުންނަ ވީބީ މާޓް ޑިސްއިންފެކްޓް ކޮށްދިނުމަށް އެ ފިހާރައިން ހެލްތް ޕްރޮޓެކްޝަން އެޖެންސީ ކައިރި އެދެފައެވެ.
ވީބީ މާޓް އިން ބުނީ، އެ ފިހާރަ ޑިސްއިންފެކްޓް ކުރަން އެޗްޕީއޭ ކައިރި އެދުނީ ކޯވިޑް 19 އަށް ޕޮޒިޓިވްވި މީހާ އުޅެމުންދަނީ ވީބީ މާޓް ހުންނަ ސަރަހައްދުގައި ކަމަށްވާތީ ކަމަށެވެ. އެހެންކަމުން އެ ފިހާރައަށް އަންނަ އާއްމުންނާއި ފިހާރައިގެ މުވައްޒަފުންގެ ރައްކާތެރިކަމަށްޓަކައި ޑިސްއިންފެކްޓް ކުރެވެންދެން ފިހާރަ ބަންދުކުރުމަށް ނިންމާފައިވާ ކަމަށްވެސް ވީބީ އިން ބުންޏެވެ.
ވީބީން ބުނީ، އެ ކުންފުނީގެ މާފަންނު ފިހާރަ ބަންދުކޮށްފައި ހުރި ނަމަވެސް އޮންލައިންކޮށް އޯޑަރުކޮށްގެން ޑެލިވަރީގެ ހިދުމަތްދެމުން އަންނަ ކަމަށެވެ.
