އޭޑީކޭއިން ގޭގެއަށް ގޮސްގެން ހިދުމަތް ދިނުން މެދު ކަނޑާލައިފި

މާލެއިން ކޮވިޑް-19 ޖޭ މީހުން ފެންނަމުން ދިއުމާ ގުޅިގެން އޭޑީކޭ ހޮސްޕިޓަލުން ދޭ ސްޕެޝަލިސްޓުން ގޭގެއަށް ގޮސް ބަލިމީހުން ބަލައިދިނުމުގެ ހިދުމަތް މެދުކަނޑާލައިފި އެވެ.

Ads by Sosun Fihaara

އޭޑީކޭއިން އިއްޔެ ކުރި ޓުވީޓެއްގައި ބުނީ ހޯމް ކޮންސަލްޓޭޝަން، ހޯމް ސާމްޕަލް ކަލެކްޝަން އަދި އަދި އޭޑީކޭ އެޓް ހޯމްގެ ހިދުމަތްތައް ވަގުތީ ގޮތުންް ހުއްޓާލާފައިިވާ ކަމަށެވެ. ނަމަވެސް އޮންލައިން ކޮންސަލްޓޭޝަންގެ ހިދުމަތް ކުރިއެކޭ އެއްގޮތަށް ދެމުން ގެންދާނެ ކަމަށް އޭޑީކޭއިން ބުންޏެވެ.

އޭޑީކޭގެ ސްޕެޝަލިސްޓުންނާއި ސުޕަ ސްޕެޝަލިސްޓުން ވެސް ގޭގެއަށް ގޮސް ބަލި މީހުން ބަލަން ފެށީ ވެސް ކޮވިޑާ ގުޅިގެން މީހުން ހޮސްޕިޓަލަށް ނުދިއުމަށް ބާރު އެޅުމުގެ ގޮތުންނެވެ.

މީގެ އިތުރުން ހުން ނުވަތަ ރޯގާގެ އެއްވެސް އަލާމާތެއް ހުރި މީހަކު ހޮސްޕިޓަލަށް ގޮސްފި ނަމަ، އެމީހަކު ފްލޫ ކްލިނިކަށް ފޮނުވާ ގޮތަށް އޭޑީކޭއިން މިހާރު ވަނީ ނިންމާފައެވެ.

މާލެއިން މިހާތަނަށް ކޮވިޑް-19 އަށް ތިން މީހަކު ފައްސިވެފައިވާއިރު އިއްޔެގެ ހަވީރުން ފެށިގެން 24 ގަޑިއިރަށް މާލެ ވަނީ ލޮކްޑައުން ކޮށްފައެވެ.