އޭޑީކޭގައި އޮތް ބައްޕައަށް ކާނެ އެއްޗެއް ގެންދެވޭނެ ގޮތް ނެތިފައި ހުއްޓާ އެހީވީ ފުލުހުން
ސައްޔާހުންގެ ފަތްފުންތަކުންވެސް ދިވެހިން ސިފަކޮށްފައިވަނީ އެކަކު އަނެކަކަށް އެހީތެރިވާ، އޯގާތެރި ބައެއްގެ ގޮތުގައެވެ. މުޅި ދުނިޔެއަށް ކުރިމަތިވެފައިވާ ކޮރޯނާ ވައިރަހުގެ ވަބާ، ދިވެހި އުންމަތުގެ މައްޗަށް ބަނަވެފައިވާއިރު، ދިވެހިންގެ ތެރެއިން ފަނޑުވަމުން އަންނަ އެކަކު އަނެކަކަށް އެހީތެރިވުމުގެ ސިފަ އަނެއްކާވެސް މިދަނީ ޢާލާވަމުންނެވެ. ނަމަވެސް މިފަހަރު ކުޑަކޮށް ތަފާތު ވާހަކައެކެވެ.
މިފަހަރު ތަޢުރީފް އޮހެމެން މިއަންނަނީ ރާއްޖެ ފުލުހުންގެ މީހަކަށެވެ. ކުރީގެ މައްޗަންގޯޅި ދެކުނު ދާއިރާގެ ކައުންސިލަރ އިބްރާހީމް މަމްނޫންގެ ތަޢުފީފްގެ ޕޯސްޓް ބައްޑުންކޮށްލީ، އޭޑީކޭގައި އޮތް އޭނާގެ ބައްޕައަށް ކާނެ އެއްޗެއް ގެންދެވޭނެ ގޮތް ނެތި، ގޮސް ހުސްވެފައި ހުއްޓާ އެހީތެރިކަން ފޯރުކޮށްދިން ފުލުހަކަށެވެ.
މާލެ އިއްޔެއާއި މިއަދު ލޮކްޑައުންއެއްގައި އޮތްއިރު، ލޮކްޑައުންގެ ވަގުތު ތަކުގައި ބޭރުގައި އުޅުމަކީ މަނާކަމެކެވެ. މިހެންކަމުން މަންމޫން ހުރީ އޭޑީކޭގައި އޮތް އޭނާގެ ބައްޕައަށް ކާނެ އެއްޗެއް ގެންދެނޭނެ ގޮތެއް ނޭނގިފައެވެ. މަމްނޫންގެ ފޭސްބުކް ޕޯސްޓްގައިވާ ގޮތުން އޭނާ ވެގެން އުޅޭގޮތް ގޭކައިރިން ދިޔަ ފުލުސް މީހާ ކައިރީ ބުނުމުން ޕޮލިސް ކާރުގައި އޭނާ ގޮވައިގެން ހޮސްޕިޓަލަށް ދިޔަ ކަމަށެވެ. މަންނޫންވަނީ ފުލުހުންގެ ހިތްހެޔޮ ކަމަށް ޝުކުުރު އަދާކޮށްފައެވެ.
އޭޑީކޭގަ އޮތް އަޅުގަނޑުގެ ބައްޕަޔަށް ކާއެއްޗެހި ގެންދާނެ އެއްވެސް ގޮތެއް ނެތިގެން ގޭކައިރިން ދިޔަ ފުލުސް މީހާ ކައިރީ...
Posted by Ibrahim Mamnoon on Thursday, April 16, 2020
މި ޕޯސްޓް ގިނަ ބަޔަކު ޝެއަރކޮށްފައިވާއިރު، ގިނަ ބަޔަކުދަނީ ފުލުހުންގެ މިހިތްހެޔޮ ކަމަށް ޝުކުރު އަދާ ކުރަމުންނެވެ.
