ކޮވިޑް-19: ކާށިދޫ އާންމު ހާލަތައް ގެނެސްފި
ކ. ކާށިދޫ މޮނިޓަރިންގެ ހާލަތުން ނަގައި އާންމު ހާލަތައް ގެނެސްފިއެވެ.
ކޮވިޑް19 އަށް ފައްސިވި ވި ދިވެއްސެއްގެ "ޑައިރެކްޓް ކޮންޓެކްޓް" އެއް ދާދިފަހުން ކާށިދޫއަށް ދަތުރުކޮށްފައިވާތީ، ރައްކާތެރިކަމުގެ ފިޔަވަޅެއްގެ ގޮތުން އެ ރަށް "މޮނިޓަރިންގ" ހާލަތަކަށް ގެނެސްފައިވަނީ މި މަހުގެ 16 ވަނަ ދުވަހުގައެވެ.
މާލެއިން މިހާތަނަށް 8 މީހަކު ވަނީ ވައިރަހަށް ފައްސިވެފައެވެ. އެއާއެކު މުޅި މާލެ ލޮކްޑައުން ކޮށް މާލޭގެ އެލާޓް ލެވެލް ވަނީ ރަތަށް ބަދަލު ކޮށްފައެވެ.
މީގެ އިތުރުންވެސް މިއަދު ހަވީރު 06:00 އިން ފެށިގެން ރާއްޖޭގެ ހުރިހާ ރަށެއް ލޮކްޑައުން ކުރުމަށް ވަނީ ނިންމާފައެވެ. އެގޮތުން އެއް ރަށުން އަނެއް ރަށަށް ދަތުރު ކުރުން މަނާކޮށް މީހުން އެއްވެ އުޅުން ވަނީ މުޅިން މަނާ ކޮށްފައެވެ.
ރާއްޖެއިން ޖުމްލަ 28 މީހަކު ކޮވިޑް19 އަށް ފައްސިވެފައެވެ. އޭގެ ތެރޭގައި 13 ދިވެހިން ހިމެނެއެވެ. މިހާތަނަށް 16 މީހަކު ބަލިން މުޅިން ރަނގަޅުވެފައިވާއިރު ބައްޔަށް ފަރުވާ ދެމުން ގެންދަނީ 16 މީހަކަށެވެ.
