ބިދޭސީންނަށް ބޭނުންވާ ޒަރޫރީ ތަކެތި ފޯރުކޮށްދިނުމަށް ސަރުކާރަށް ގޮވާލައިފި
ރާއްޖޭގައި މަސައްކަތް ކުރަމުން އަންނަ ބިދޭސީ މަސައްކަތްތެރި ޒަރޫރީ ޙައްޤުތަކުން މަޙްރޫމްވެފައިވާ ކަމުގެ ރިޕޯޓްތައް ލިބެމުން އަންނަ ކަމަށާއި، އެފަރާތްތަކަސް ބޭނުންވާ ޒަރޫރީ ތަކެތި ފޯރުކޮށްދިނުމަށް ސަރުކާރަށް، ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރސީއެމް) އިން ގޮވާލައިފި އެވެ.
އެޗްއާރުސީމްއިން ކުރި ޓުވީޓެއްގައި ބުނީ ބިދޭސީންނަށް ޒަރޫރީ ބޭނުންތަކަށް ބޭނުންވާ ތަކެތި ހޯދުމުގައި ދަތިތަކެއް ކުރިމަތިވަމުންދާކަން ފާހަގަކުރެވިފައިވާ ކަމަށެވެ.އަދި މިފަދަ ތަކެތި އެއްވެސް މީހަކަށް ތަފާތު ކުރުމެއްނެތި، ހޯދޭނެ ގޮތް ހަމަޖައްސައިދިނުމަށް އެޗްއާރުސީއެމްއިން ސަރުކާރަށް ގޮވާލާފައިވެ އެވެ.
As there are reports of migrant workers without access to basic necessities, we urge state to make necessary arrangements to ensure access to basic needs for everyone including migrant workers
— HRC of the Maldives (@hrcmv) April 17, 2020
މާލެ ސަރަހައްދު ލޮކްޑައުން ކޮށްފައިވާ މި ހާލަތުގައި ބިދޭސީންނަށް ފުރައްސާރަކުރަމުންދާ ކަމުގެ ވާހަކަތަކެއް ސޯޝަލް މީޑިއާގައި ދަނީ ފެތުރެމުންނެވެ. ލޮކްޑައުން ކުރި ނަމަވެސް ޑެލިވަރީ ހިދުމަތްތަކަށް ބާރުބޮޑުވުމުން ތަކެތި ގަތުމަށްޓަކައި އާންމުން ފިހާރަތަކުގެ ކައިރީގައި ކިޔު ހަދަމުންދާއިރު، ބިދޭސީންނަށް ކިޔޫއިން ޖާގަ ނުދޭ ކަމަށް ބައެއް މީހުން ބުނެފައިވެ އެވެ. އަދި ބިދޭސީންނަށް ތަކެތި ވިއްކާނީ ދިވެހިންނަށް ވިއްކާފައި ބާކީވެއްޖެނަމަ ކަމަށް ވެސް ބައެއް ފިހާރަތަކުން ބުނަމުންދާ ކަމުގެ އަޑުތަކެއް ވެސް ވަނީ ފެތުރިފަ އެވެ.
