ކޮންމެ އަހަރެއްގެވެސް އޭޕްރީލް މަހުގެ 18ވަނަ ދުވަސް ރާއްޖޭގައި ފާހަގަކުރަނީ ގައުމީ ޑޮކްޓަރުންގެ ދުވަހުގެ ގޮތުގައެވެ. ކޮވިޑް19 އާ ގުޅިގެން ސިއްހީ ހިދުމަތްތެރިން ކުރަމުން އަންނަ މަސައްކަތަށް ގިނަ ބަޔަކު އަންނަނީ ތައުރީފު ކުރަމުންނެވެ.
ޑޮކްޓަރުން ވަމުންއެދަނީ ބޮޑު ގުރުބާނީއެއް، އަޅުގަނޑުމެން ވަނީ އެމީހުންނަށް ދަރާފައި: ރައީސް
ކޮވިޑް-19 އިން އެންމެން ރައްކާތެރި ކުރުމަށް ޓަކައި ދިވެހި ޑޮކްޓަރުންނާއި ސިއްހީ ހިދުމަތްތެރީން ދެމުންދާ ހިދުމަތަކީ އަގުނުކުރެވޭ ވަރުގެ ބޮޑު ހިދުމަތެއް ކަމަށާއި ސިއްހީ ހިދުމަތްތެރީންނަށް އެމަނިކުފާނާއި ސަރުކާރު ދަރާފައިވާ ކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެ އެވެ.
Ads by Sosun Fihaara
ރާއްޖޭގެ ޑޮކްޓަރުންގެ ދުވަހާއި ގުޅިގެން ރައީސް ސޯލިހު ކުރެއްވި ޓްވީޓެއްގައި ވިދާޅުވީ މިއަހަރު ރާއްޖެއަށް ޑޮކްޓަރުންގެ ދުވަސް އައިސްފައި މިވަނީ ދުނިޔޭގައި ހަލުވިކަމާއި އެކުގައި ފެތުރެމުން އަންނަ ކޮވިޑް19 ވައިރަސް ރާއްޖެއަށް ވެސް ފެތުރެން ފަށާފައިވާ ނުރައްކާތެރި ދަނޑިވަޅެއްގައި ކަމަށެވެ.
އަދި މިވަގުތު ރާއްޖޭގެ ރައްޔިތުންގެ ސަލާމަތާއި ރައްކާތެރިކަމަށް ޑޮކްޓަރުން ވަމުން އަންނަ ގުރުބާނީއަކީ އޭގެ އަގު އަދާ ކުރެވޭނެ އެއްޗެއް ނޫން ކަމަށެވެ. އަދި ޑޮކްޓަރުންނަށް ދަރާފައިވާ މިންވަރު އެހާމެ ބޮޑު ކަމަށް ރައީސް ވިދާޅުވިއެވެ.
މިހާތަނަށް ރާއްޖެއިން ކޮވިޑަށް 32 މީހަކު ފައްސިވެފައިވާއިރު، މާލޭން ވަނީ 12 ވަނީ ބަލި ޖެހިފައެވެ. މާލޭން ރޯގާ ފެނުމާ ގުޅިގެން މުޅި މާލެ ސަރަހައްދު ވަނީ 14 ދުވަހަށް ލޮކްޑައުން ކޮށްފަ އެވެ. އަދި ރާއްޖޭގެ އެއްވެސް ރަށަކަށް އަރާ ފޭބުން ވަނީ މަނާކޮށްފަ އެވެ.
Ads by Ooredoo
