ޤާނޫނު އަސާސީއަށް ދެ އިސްލާހެއް: ފުރަތަމަ ކިޔުން އިއްވައިފި
ޤާނޫނު އަސާސީއަށް ހުށަހެޅި ދެ އިސްލާހެއްގެ ފުރަތަމަ ކިޔުން މިއަދުގެ މަޖިލީހުގައި އިއްވައިފިއެވެ.
ޤާނޫނު އަސާސީ އަށް އިސްލާހު ހުށަހަޅުއްވާފައިވަނީ ކާށިދޫ ދާއިރާގެ މެންބަރު ޢަބްދުﷲ ޖާބިރާއި މަހިބަދޫ ދާއިރާގެ މެންބަރު އަހުމަދު ޠޯރިގެވެ.
އެގޮތުން ޖާބިރު އިސްލާހު ހުށަހަޅާފައިވަނީ ބަރުލަމާނީ ނިޒާމަކަށް ބަދަލު ކުރުމަށެވެ. ޖާބިރު ހުށަހެޅި އިސްލާހުގައި ވަނީ 2008 ވަނަ އަހަރު ތަސްދީގު ކުރެވުނު ރާއްޖޭގެ ޖުމްހޫރިއްޔާގެ ގާނޫނު އަސާސީ އެކުލަވާ ލުމުގެ މަސައްކަތް ކުރަމުންދިޔަ ދުވަސްވަރު "ރާއްޖޭގައި އޮންނަން ފެންނަނީ "ރިޔާސީ ނިޒާމެއްތޯ ނުވަތަ "ބަރުލަމާކީ ނިޒާމެއްތޯ ކަނޑައެޅުމަށްޓަކައި ނެގި ރައްޔިތުންގެ "ފެންނަ" "ނުފެންނަ ވޯޓުގައި ވޯޓުދިން މީހުންގެ އަގުލަބިއްޔަތުން ރާއްޖޭގައި އޮންނަން ފެންނަނީ ރިޔާސީ ނިޒާމެއް ކަމުގައި ކަނޑައެޅިފައި ވީނަމަވެސް، ގާނޫނު އަސާސީގެ އެއްވެސް ހިސާބެއްގައި ރާއްޖޭގައި ވެރިކަންކުރާ ނިޒާމަކީ "ރިޔާސީ ނިޒާމެއް" ކަމުގައި ކަނޑައަޅައި ބަޔާން ކޮށްފައިނުވާ ކަމަށެވެ.
ރާއްޖޭގައި ހިނގަމުން އަންނަ ވެރިކަމަކީ ފުރިހަމަ "ރިޔާސީ ނިޒާމެއްގެ" ވެރިކަމަކަށް ނުވާތީ، އެކަމުގެ ސަބަބުން ރައްޔިތުންނަށް ލިބިގެންދާ ގެއްލުމާއި ނިކަމެތިކަން ދުވަހުން ދުވަހަކަށް ބޮޑުވަމުން އަންނައިރު، އެގެއްލުމުން ސަލާމަތްވާނީ ރާއްޖޭގެ ވެރިކަމުގެ ނިޒާމް "ބަރުލަމާނީ ނިޒާމް" އަކަށް ބަދަލުވެގެން ދިއުމުން ކަމަށް ގަބޫލުކުރެވޭ ކަމަށް ވެސް ޖާބިރު ހުށަހެޅުއްވި އިސްލާހުގައި ވެއެވެ.
ތޯރިގް ގާނޫނުއަސާސީއަށް އިސްލާު ހުށަހަޅާފައިވަނީ ޖުޑިޝަލް ސާވިސް ކޮމިޝަން (ޖޭއެސްސީ) އެކުލެވިގެންވާ ގޮތް ބަދަލުކުރުމަށެވެ.
