މިދިޔަ ހަފުތާ ޑޮލަރުގެ އާމްދަނީ ކުރީ ހަފުތާއަށްވުރެ %48.90 އިތުރު

މިދިޔަ ހަފުތާ ދައުލަތަށް މީރާ މެދުވެރިކޮށް ބަލައިގަތް ޑޮލަރުގެ އާމްދަނީ ކުރީ ހަފުތާއަށްވުރެ 48.90އިންސައްތަ އިތުރު ވެއްޖެއެވެ.

މީރާއިން ބުނީ 16އޮގަސްޓް 2026އިން 22އޮގަސްޓް 2026ގެ ނިޔަލަށް ދައުލަތަށް ޑޮލަރުގެ ގޮތުގައި ޖުމްލަ 18.31މިލިއަން އެމެރިކާ ޑޮލަރު ވަނީ ލިބިފައެވެ. މިއީ އޭގެ ކުރީ ހަފުތާ ކަމަށްވާ 9އޮގަސްޓް 2026އިން 15އޮގަސްޓް 2026އަށް ލިބުނު 12.30މިލިއަން ޑޮލަރު އާ އަޅާބަލާއިރު 6.01މިލިއަން ޑޮލަރުގެ ކުރިއެރުމެކެވެ.

މި މުއްދަތުގެ ތެރޭގައި ޑޮލަރުގެ އާމްދަނީ އެންމެ ބޮޑަށް އިތުރުވެފައިވަނީ ފަތުރުވެރިކަމުގެ ދާއިރާގެ ޖީއެސްޓީ (ޓީޖީއެސްޓީ)އަދި އެއަރޕޯޓާ ގުޅުންހުރި ޓެކްސްތަކުންނެވެ. އޭގެ ކުރީ ހަފުތާގައި 4.21މިލިއަން ޑޮލަރު ލިބިފައިވާއިރު، ނިމިދިޔަ ހަފުތާގައި މި އަދަދު ވަނީ 8.83މިލިއަން ޑޮލަރަށް އިތުރުވެފައެވެ. ޑިޕާޗަރ ޓެކްސް / އެއަރޕޯޓް ސަރވިސް ޗާޖުން 1.07މިލިއަން ޑޮލަރުން 2.46މިލިއަން ޑޮލަރަށް ވަނީ އިތުރުވެފައެވެ. އެއަރޕޯޓް ޑިވެލޮޕްމަންޓް ފީ އިން 1.85މިލިއަން ޑޮލަރުން 2.47މިލިއަން ޑޮލަރަށް ވަނީ އިތުރުވެފައެވެ. ގްރީން ޓެކުހުން 1.91މިލިއަން ޑޮލަރުން 2.48މިލިއަން ޑޮލަރަށް ވަނީ އިތުރުވެފައެވެ.

މި ދާއިރާތަކުން ލިބުނު އާމްދަނީ ބޮޑުތަނުން އިތުރުވެފައިވީ ނަމަވެސް، ކޯޕަރޭޓް އިންކަމް ޓެކްސް (ބީޕީޓީ)އަދި ނޮން-ރެސިޑެންޓް ވިތްހޯލްޑިން ޓެކްސް ފަދަ ބައެއް ބައިތަކުން ލިބުނު އާމްދަނީ ވަނީ އޭގެ ކުރީ ހަފުތާއާ އަޅާބަލާއިރު ދަށްވެފައެވެ.