ނޭހާ އަށް ރޯހަންޕްރީތު ދެކެ ލޯބިވެވުނީ ފުރަތަމަ ނަޒަރުން؟!
ތަރިންގެ ޒާތީ ދިިރިއުޅުމުގައި ހިނގާ ކަންކަމަކީ އާންމުން ނުހަނު ޝައުގުވެރިކަމާއެކު ބަލާ ހިތްވާ ކަމެކެވެ. އެގޮތުން ބޮލީވުޑު ތަރިންގެ ވާހަކަތަކުގެ ތެރެއިން ތެރެއިން މި ދުވަސްވަރު އެންމެ ގަދައަށް ވާހަކަ ދެކެވޭ ތަރިއަކީ ލަވަކިޔުންތެރިޔާ ނޭހާ ކައްކަރު ކައިވެނި ކުރަން އުޅޭ ވާހަކައެވެ.
ނޭހާ ވަނީ އޭނާ އެންމެ ފަހުން ނެރުނު ވީޑިއޯ ލަވައިން ފެނިގެން ދިޔަ އޭނާގެ ކުޑައިރުގެ ރަހުމަތްތެރިޔާ އަދި ޕަންޖާބީ ފަންނާނު ރޯހަން ޕްރީތު ސިންގް އާ ލޯބީގެ ގޮތުން ގުޅިގެން އުޅޭ ކަން ހާމަކޮށްފައެވެ.
ނޭހާ ދާދި ފަހުން ބުނެފައިވާ ގޮތުގައި ރޯހަން ދެކެ އޭނާ އަށް ލޯބިވެވުނީ ފުރަތަމަ ނަޒަރުންނެވެ. ދެމީހުން އެކުގައި ނަގާފައިވާ ވަރަށް ލޯބި ފޮޓޯ އެއް ހިއްސާ ކުރަމުން ނޭހާ ވަނީ ކެޕްޝަންގައި "ލަވް އެޓް ފަސްޓް ސައިޓް" އޭ ޖަހާފައެވެ.
ނޭޙާ އާ ރޯހަންޕްރީތު ގުޅިގެން އުޅޭ ކަން ހާމަކޮށްފައިވީ ނަމަވެސް، މި ދެމީހުން ހަގީގަތުގައި ވެސް ކައިވެނި ކުރަން އުޅެނީތޯ ނުަވަތަ އެއީ ކުރިއަށް އޮތް ޕްރޮޖެކްޓަކަށް ޖައްސާ ޕަބްލިސިޓީ ސްޓަންޓެއްތޯ ގިނަ ފޭނުން އަންނަނީ ސުވާލު އުފައްދަމުންނެވެ. މި ދެމީހުންގެ ކުރިއަށް އޮތް ލަވައިގެ ޕޯސްޓަރުން ފެނިގެން ދަނީ ދެ މީހުން ކައިވެނީގެ ހެދުމުގައި ތިބޭ މަންޒަރެވެ. މި ލަވަ ރިލީޒް ކުރުމަށް ހަމަޖެހިފައިވަނީ މި މަހުގެ 21 ވަނަ ދުވަހުއެވެ.
ނޭހާގެ ކައިވެނީގެ ވާހަކަ މި އަހަރުގެ ކުރީކޮޅު ވެސް "ސަމާސާއަކަށް ހަދާފައި" ވަރަށް ބޮޑަށް ދެކެވިފައިވެ އެވެ. އޭނާ ޖަޖްކަން ކުރި ސޮނީ ޓީވީގެ "އިންޑިއަން އައިޑޮލް" ސީޒަން 11 ގެ ހޯސްޓް އަދިތިޔާ ނާރަޔަން އާއި ނޭހާ ކައިވެނިކުރާ ވާހަކަ ވަރަށް ބޮޑަށް ދެކެވުނެވެ.
