ރާއްޖެއިން ވަރުން ގެ ހިތް އަތުލީ މުސަޅެއް!
ރާއްޖޭގައި މިވަގުތު ޗުއްޓީ ހޭދަކުރަމުންދާ އެއް ފަންނާނަކީ ބޮލީވުޑް އެކްޓަރު ވަރުން ދަވަންއެވެ.
ސޮނެވާފުށީގައި އޭނާގެ ޗުއްޓީގެ އުފާވެރި ދުވަސްތައް ގުނަމުން ދާއިރު، ވަރުން އަންނަނީ އޭނާ ކުރަމުން އަންނަ ތަފާތު ތަޖުރިބާތައް އިންސްޓަގްރާމް މެދުވެރިކޮށް ހިއްސާކުރަމުންނެވެ.
އެގޮތުން ވަރުން އެންމެ ފަހުން ހިއްސާކުރި ފޮޓޯއަކަށް ގިނަ ބައެއްގެ ސަމާލުކަން ވަނީ ލިބިފައެވެ.
މުސަޅަކަށް ކެރެޓެއް ކާންދޭ މަންޒަރުގެ ފޮޓޯ ނެގުމަށް ފަހު ވަރުން ބުނެފައިވަނީ އައު ރަހުމަތްތެރިއަކު ރާއްޖެއިން ލިބިއްޖެ ކަަމަށެވެ. ފޮޓޯއިން ފެންނަ ގޮތުގައި ވަރުން ފެންނަނީ ވަރަށް އުފަލުން އިންނަ ތަނެވެ.
ވަރުން ޗުއްޓީ ހޭދަކުރުމަށް ރާއްޖެ އައިސްފައިވަނީ މި މަހުގެ 16 ވަނަ ދުވަހުއެވެ.
ވަރުން ވަނީ މީގެ ދެ އަހަރު ކުރިން އާ އަހަރު ފާހަގަކުރަން ވެސް ރާއްޖެ އައިސްފަ އެވެ. އެފަހަރު އޭނާ އައީ ލޯބިވެރިޔާ ނަތާޝާއާ ވެސް އެކުގައެވެ. ނަމަވެސް މިފަހަރު އޭނާ ރާއްޖެ އައިސްފައި ވަނީ ކޮން ބަޔަކާއެކު ކަމެއް އަދި ނޭނގެ އެވެ.
