އިތުރު ދިވެއްސެއް ވައިރަހަށް ފައްސިވެއްޖެ
އިތުރު ދިވެއްސެއް ވައިރަހަށް ފައްސިވެ ބަލި ޖެހުނު މީހުންގެ އަދަދު ޖުމަލް 84 އަށް އަރައިފިއެވެ.
މިއަދު މެންދުރު ފަހު ކުރިއަށް ދިޔަ ނޫސްވެރިންގެ ބައްދަލުވުމުގައި ކޮވިޑް19 ގެ ތަރުޖަމާނު މަބްރޫކް އަޒީޒް ވަނީީ ވައިރަހަށް އިތުރު ދިވެއްސެއް ފައްސިވެފައިވާ ކަން ކަށަވަރު ކޮށްދެއްވާފައެވެ.
މި މީހާ އާއެކު މިއަދު ވައިރަހަށް ފައްސިވި މީހުންގެ އަދަދު ވަނީ 17 އަށް އަރާފައެވެ. އަދި މާލެއިން ފައްސިވި މީހުންގެ ޖުމްލަ އަދަދު ވަނީ 64 އަށް އަރާފައެވެ.
މާލެއިން އެންމެ ފުރަތަމަ ވައިރަސް ފެނިފައިވަނީ މި މަހުގެ 14 ވީ ބުދަ ދުވަހުއެވެ. ފްލޫ ކްލިނިކަށް ދައްކަން ދިޔަ އަންހެނަކު ވައިރަހަށް ފައްސިވުމާއެކު މާލެ ތެރޭގައި ވައިރަސް އުޅޭކަން ކަށަވަރު ވެގެން ދިޔައެވެ. އަދި ފައްސި ވި މީހަކީ ޓްރަވެލް ހިސްޓަރީ އެއް ނެތް މީހެއް ކަމުން ބަލި މުޖުތަމައު ތެރޭގައި ފެތުރެމުންދާ ކަން ޔަގީން ކޮށް މުޅި މާލެ ސަރަހައްދަށް ވަނީ ރެޑް އެލާޓް ނެރެފައެވެ.
ވައިރަސް ކޮންޓްރޯލް ކުރުމުގެ ގޮތުން ސަރުކާރުން ގިނަ ފިޔަވަޅުތަކެއް އަޅަމުން އަންނަ އިރު މާލެ ލޮކްޑައުން ކޮށް ރާއްޖޭގެ ރަށް ތައް ވެސް ވަނީ ރަށު ބަންދަކުން ބަންދުކޮށްފައެވެ.
