ރޯދަ މަހުގެ ފުރަތަމަ ދުވަސް: ސިފައިން އަހަރެމެންގެ ޚިދުމަތުގައި ވަރުބަލި ކަމެއް ނެތި!
އެހެން އަަހަރުތަކުގެ ރޯދަ މަސްތަކާއި ޚިލާފަށް މިއަހަރުގެ ރޯދަ މަހުގައި އަހަރެމެންނާ ކުރިމަތިލީ ތަފާތު ގޮތަަކަށެވެ. ކޮވިޑްގެ ނުރައްކާތެރިކަން އިންތިހާއަށް މުޅި ޤައުމަށް ކުރިމަތިވެފައިވާއިރު، މުޅި ރާއްޖެ މިއޮތީ ލޮކްޑައުންއެއްގައެވެ. މި ދަތި ދަނޑިވަޅުގައި އަޅުގަނޑުމެންގެ ޚިދުމަތުގައި ވަރުބަލި ކަމެއްނެތި އެތިއްބެވީ އަޅުގަނޑުމެން އެންމެން އެބަޔަކަށްޓަކައި ފަޚްރުވެރިވާ ސިފައިންނެވެ.
ޗީފް އޮފް ޑިފެންސް ފޯސް މޭޖާ މެނެރަލް އަބްދުﷲ ޝަމާލް މިއަދު ކުރެއްވި ޓްވީޓެއްގައި ބުނެފައިވަނީ، ރައްޔިތުން ބޭނުންވާ ހިނދަކު ސިފައިންގެ ބޭކަލުންނާއި ބޭކަނބަލުން ތިއްބަވާނީ ތައްޔާރަށް ކަމަށެވެ.
When the people are in need, it does not matter whether we are men, women, fathers, mothers, sons or daughters - we are soldiers first.
MNDF troops in Ramadan assisting to deliver essential goods to our people. pic.twitter.com/ofPsi3Fp7R
— Chief of Defence Force MG.Abdulla Shamaal (@CDFofMNDF) April 24, 2020
ފޮޓޯތަކުން ފެނިގެން ދަނީ އަންހެން އަދި ފިރިހެން ސިފައިން އެއްޗެހި ޑެލިވަރީ ކުރުމުގެ މަސައްކަތުގައި އަވަދިނެތި އުޅޭ މަންޒަރެވެ. މިހާތަނަށް ރާއްޖެއިން ކޮވިޑް19 އަށް 116 މީހަކު ވަނި ޕޮޒިޓިވްވެފައެވެ. އޭގެ ތެރޭގައި ހިމެނެނީ 48 ދިވެހިންނާއި 68 ބިދޭސީންނެވެ.
