ދިވެހި ބޭސްވެރިން ކޮވިޑަށް ބޭހެއް ހޯދުމުގެ މަސައްކަތް ކުރާކަމަށް މައުލޫމާތު ލިބޭ: އަމީން
ނުރައްކާތެރި ކޮވިޑް-19 ވައިރަހަށް ބޭހެއް ހެދުމުގެ މަސައްކަތް ދިވެހި ބޭސްވެރިން މަސައްކަތް ކުރާ ކަމުގެ މައުލޫމާތު ލިބިފައިވާ ކަމަށް ހެލްތު މިނިސްޓަރު އަބްދުﷲ އަމީން ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި އަމީން ވިދާޅުވީ ކޮވިޑް-19 އަށް ޑޮކްޓަރީ އަދި ދިވެހި ބޭހެއް ވެސް ހޯދިފައި ނުވާ ކަމަށާއި ނަމަވެސ ދިވެހި ބޭސްވެރިންވެސް މިކަމަށްޓަކައި މަސައްކަތް ކުރުމަކީ ރަނގަޅުކަމެއް ކަމަށެވެ.
އަމީން ވިދާޅުވީ، ބައްޔަށް ބޭސް ހޯދުމަށްފަހު، ބޭސްތައް ދެނެގަނެ އެބޭސްތަކަކީ ބަލީގެ ބޭސްތަކެއްކަން ދަނެގަނެވޭނެ ހިސާބަތް ދިއުމުން، އެއީ ދިވެހި ބޭހެއް ކަމުގައިވިއަސް އަދި އެހެން ބޭހެއް ކަމުގައިވިއަސް ބޭސްވެރިކަމުގެ ހަމަތަކުގެ މަތިން އެކަން ކުރެވޭނެ ކަމަށް ގަބޫލު ކުރައްވާ ކަމަށެވެ.
އަމީން ވިދާޅުވީ، ދިވެހި ބޭސްވެރިން މިކަމަށް އިސްނަންގަވައިގެން ބޭހެއް ހޯދުމައި މަސައްކަތް ކުރައްވާ މައުލޫމާތު ލިބިފައިވާ ކަމަށާއި އެކަމަށް ވަރަށް އުފާ ކުރައްވާ ކަމަށެވެ.
ރާއްޖެއިން މި ބައްޔަށް ފައްސިވި މީހުންގެ އަދަދު ވަނީ 137 އަށް އަރާފައެވެ.
