ބޮލީވުޑް މުނިފޫހިފިލުވުން

ދަރިފުޅުގެ ބައްޕައަށް އެކުއްޖާ ނުދައްކަން "ޕްރޭނާ" ފިލައިފި

މަރްޔަމް ވަޙީދާ ، ދެން އޮންލައިން

މަޝްހޫރު ޑްރާމާ ސީރީޒް "ކަސޯޓީ ޒިންދަގީ ކޭ" އިން "ޕްރޭނާ" ގެ ރޯލުން އާއްމުންގެ މެދުގައި މަގުބޫލުކަމެއް ހޯދި ބޮލީވުޑްގެ އެކްޓްރެސް ޝްވެތާ ތިވާރީއަށް އޭނަގެ ކުރީގެ ފިރިމީހާ އަބީނަވް ކޯލީ ތުހުމަތުތަކެއް ކޮށްފިއެވެ.

Ads by Hajj Corporation

އެކި ޑްރާމާތަކުގައި ހަރަކާތްތެރި ވެފައިވާ އަބީނަވް އާއި ކައިވެނިކުރިއިރު، ޝްވެތާ ވަނީ އޭގެ ކުރިންވެސް ކައިވެންޏެއް ކޮށްފައެވެ. ރާޖާ ނަމަކަށް ކިޔާ އެމީހާއަށް އަންހެން ދަރިއަކު ވެސް ޝްވެތާގެ ހުރެއެވެ. އެކައިވެނި ރޫޅުމުގެ އެންމެ ބޮޑު އަސްލަކީ ކައިވެނި ކޮށްގެން ހުރެ ޝްވެތާ އާއި އަބީނަވް ގުޅުމެއް ހިންގުން ކަމުގައި މީގެ ކުރިން ރާޖާ ވަނީ ބުނެފައެވެ. އޭނާ 2013 އަބީނަވް އާއި ކައިވެނި ކޮށްފައިވަނީ ވެސް އެކައިވެނި ރަސްމީކޮށް ރޫޅުނުތާ މާގިނަ ދުވަހެއް ނުވެއެވެ.

މިހާރު އަބީނަވް އާއި ވެސް ކައިވެނި ރޫޅިފައިވާއިރު، "ރެއާންޝް" ނަމަކަށް ކިޔާ ފިރިހެން ދަރިއަކު އެދެމީހުންނަށް ލިބިފައިވެއެވެ.

ޝްވެތާގެ އަންހެން ދަރި ޕަލަކް އަށް ގެވެށި އަނިޔާ ކުރި ކަމަށާއި ނަފްސާނީ އަނިޔާވެސް ތުހުމަތުކޮށް، އޭނާ ވަނީ އަބީނަވް އާއި ދެކޮޅަށް މައްސަލަ ޖައްސާފައެވެ. އަދި މިތުހުމަތާއި ގުޅިގެން ފުލުހުން އަބީނަވް ހައްޔަރުވެސް ކުރިއެވެ.

ނަމަވެސް އެތުހުމަތުތަކަށް އަބީނަވް ދެކޮޅު ހެދުމުންނާއި ހެއްކެއް ވެސް ނެތުމުން، ފުލުހުން ވަނީ އޭނާ ދޫކޮށްލާފައެވެ.

ޓައިމްސް އޮފް އިންޑިއާ އަށް މައުލޫމާތު ދެމުން އަބީނަވް ބުނެފަނީ ޝްވެތާ ކޮވިޑް-19 އަށް ފައްސިވުމުން، އެމީހުންހެ 4 އަހަރުގެ ދަރިފުޅު ރެއަންޝް، ބަލަން އޭނާއާއި ހަވާލުކުރި ކަމަށެވެ. ކޮވިޑުން ރަނގަޅުވީ ފަހުންވެސް ޝޫޓިންގ އޮތުމުން، ރެއަންޝް ބެލީ އަބީނަވް ކަމަށް އޭނާ ބުނެފައިވެއެވެ.

ނަމަވެސް 40 ދުވަސް ފަހުން، މިމަހުގެ 25 ވަނަ ދުވަހު ޝްވެތާ އެގެއަށް ގޮސް ރެއަންޝް ގެންގޮސްފައިވާ ކަމަށާއި، އޭނާ ހުރި ތަނެއް ވެސް ނޭނގޭ ކަމަށް އަބީނަވް ބުންޏެވެ.

"ދަރިފުޅު ގޮވައިގެން ޝްވެތާ ފިލައިފި. އަހަރެން އޭނައަށް ގުޅަން ވެސް މަސައްކަތް ކުރިން. އެކަމަކު ޝްވެތާ ވަނީ އަހަރެންގެ ނަންބަރު ހުރިހާ އެއްޗަކުން ބްލޮކް ކޮށްފަ. އެގެއަށް ވެސް ދިޔައިން. އެކަމަކު އެމީހުން އެގެއަކު ވެސް ނެތް. އޭނައާއި ދިމާވޭތޯ ޝޫޓިން ކުރިއަށްދާ ސެޓަށް ވެސް ދިޔައިން، އެކަމަކު ބައްދަލެއް ނުވި." އަބީނަވް ބުނެފައިވެއެވެ.

ރިޕޯޓުތަކުން ބުނާ ގޮތުގައި ޝްވެތާގެ ކުރީގެ ފިރިމީހާ ރާޖާ ކައިރިން ވެސް ޝްވެތާ ވަރިވީ ގެވެށި އަނިޔާ ކުރިކަމަށް ތުހުމަތު ކޮށްފައެވެ.

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!