ޑެލިވަރީކުރަން ދިން 17 ހުއްދައެއް ބާތިލްކޮށްފި
ޑެލިވަރީ ވެހިކަލްތަކަށް ފުލުހުން ދީފަައިވާ 17 ހުއްދައެއް ގަވައިދާ ހިލާފަށް ބޭނުންކުރުމުން ބާތިލްކޮށްފައިވާކަމަށް ފުލުހުން ބުނެފި އެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެސިސްޓެންޓް ކޮމިޝަނާ އޮފް ޕޮލިސް އިސްމާއިލް ނަވީން ވިދާޅުވީ މިހާތަނަށް ޖުމްލަ 4353 ޑެލިވަރީ ހުއްދަ ދޫކޮށްފައިވާނެ ކަމަށެވެ.
އޭގެ ތެރެއިން 17 ވެހިކަލް ޕާމިޓް ކެންސަލް ކޮށްފައިވާނެ ކަމަށާއި އެގޮތަށް ކަންތައް ކޮށްފައިވަނީ ހުއްދަ ދެވިފައިވާ ކެޓަގަރީގެ ވެހިކަލް ނޫން ވެހިކަލް ދުއްވުމުގެ ސަބަބުންނާއި ލައިސަންސް ނެތް ފަރާތްތަކުން ވެހިކަލް އޮޕަރޭޓު ކޮށްފައިވާތީ ކަމަށް އޭނާ ވިދާޅުވިއެވެ.
މާލެ ސަރަހައްދުގައި ލޮކްޑައުން އިއުލާނުކޮށްފައިވާއިރު ރައްޔިތުންނަށް ބޭނުންވާ ޒަރޫރީ މުދަލާއި ކާބޯތަކެތި ޑެލިވަރީ ކުރުމުގެ ހުއްދަ ފުލުހުން އަންނަނީ ދެމުންނެވެ. ފިހާރަތަކާއި ރެސްޓޯރެންޓުތަކަށް ޑެލިވަރީގެ ހިދުމަތް ދެވޭނީ މި ފާސް ލިބިގެންނެވެ.
Ads by STO
