ހޯޑެއްދޫއާއި މަޑަވެލި ގުޅާލާފައިވާ ކޯޒްވޭގައި ޖަހާފައިވާ ފެންސް ވައްޓާލައިފި
ކޮވިޑް19ގެ ސަބަބުން ފުރަ ބަންދުކޮށްފައި އޮތް ހޯޑެއްދޫއާއި މަޑަވެލި ގުޅާލާފައި އޮންނަ ކޯޒްވޭގައި ޖަހާފައިވާ ފެންސަށް ބަޔަކު ގެއްލުންދީ ފެންސް ވައްޓާލައިފިއެވެ.
''ދެން''އާއި މައުލޫމާތު ހިއްސާ ކުރަމުން މަޑަވެލި ކައުންސިލްގެ ރައީސް ހަމީޒް ބުނުއްވީ ދެރަށުގެ ރައްޔިތުންގެ ރައްކާތެރިކަމަށް ޓަކައި އެއް ރަށުން އަނެއް ރަށަށް ދިޔުން ހުއްޓުވުމަށް ޖަހާފައިވާ މި ފެންސް ވައްޓާލާފައިވަނީ މިއަދުގެ ހަވީރުގެ ވަގުތެއްގައި ކަމަށެވެ. ނަމަވެސް މިކަން ހިނގާދިޔަ ގޮތާއި ގުޅޭ ގޮތުން އެއްޗެއް ބުނުއްވަން ނޭނގޭ ކަމަށާއި ފުލުހުން އެމައްސަލަ ބަލަމުންދާ ކަމަށް ޙަމީދު ބުނުއްވިއެވެ.
ހޯޑެއްދޫއާއި މަޑަވެލީގެ ކޯޒްވޭގެ ފެންސް ވައްޓާލި ވީޑިއޯ ވެސް މިހާރު ސޯޝަލް މީޑިއާގައި ވަނީ އާންމުވެފައެވެ.
ހޯޑެއްދޫއާއި މަޑަވެލި އެއް ރަށުން އަނެއް ރަށަށް ދެވޭ ގޮތަށް ބަންދު ކޮށްފައި އޮތް ނަމަވެސް ކޮންމެ ދުވަހަކު ހަވީރު 4 އިން 5 އަށް ވިޔަފާރީގެ ޑެލިވަރީތަކަށް ހުޅުވާފައިވެއެވެ.
