މޯލްޑިވިއަންގެ ފްލައިޓެއް ޗާޓަރުކޮށް، ޗައިނާއިން ރާއްޖެއަށް ޕީޕީއީ ގެނެސްފި
މޯލްޑިވިއަންގެ ފްލައިޓެއް ޗާޓަރުކޮށް، ޗައިނާއިން ރާއްޖެއަށް ޕީޕީއީ ގެނެސްފިއެވެ.
މިކަން ހާމަކޮށް މިރޭ އެސްޓީއޯ އިން ކުރި ޓްވީޓެއްގައި ބުނެފައިވަނީ މި ފްލައިޓަކީ ކޮވިޑް19 އިން ރައްކާތެރިވުމަށް ބޭނުންކުރާ ޕީޕީއީ އާއި ރާއްޖެއަށް ބޭނުންވާ އިތުރު ބައެއް ތަކެތި ގެނައުމަށް ޗާތަރުކޮށްގެން ބޭއްވި ފްލައިޓެކެވެ.
STO chartered a @MaldivianAero flight which carried PPE kits and other essential medicals supplies which are crucial as we strive to curb the spread of #Covid19. #FlattenTheCurve #StayHomeStaySafe pic.twitter.com/fVXASZWWZN
— STO Plc (@stoplc) April 29, 2020
މިކަމާއި ގުޅޭ އިތުރު މައުލޫމާތެއް އެއްވެސް އިދާރާއަކުން ހާމަކޮށްފައެއް ނުވެއެވެ.
ކޮވިޑް19 އާއި ދެކޮޅަށް ރާއްޖެއިން ކުރަމުން އަންނަ މަސައްކަތުގައި ޗައިނާ ގެ ބޮޑު އެހީތެރިކަމެއް ލިބެމުން އަންނަ ކަން ފާހަގަކޮށްލަންޖެހެއެވެ. އެގޮތުން މީގެ ކުރިން ވަނީ ރާއްޖެއަށް ކޮވިޑް19 އަށް ޓެސްޓުކުރާ 10000 ކިޓު ހަދިޔާކޮށްފައެވެ.
އަދި މީގެ އިތުރުން ވެސް ރާއްޖޭގައި ކަރަންޓީނު ފެސިލިޓީއެއް ގާއިމް ކުރުމުގެ މަސައްކަތް ޗައިނާގެ ކުންފުންޏަކުން ދަނީ ކުރަމުންނެވެ.
