ބައިޑަންއަށް ރައީސްކަން ލިބިވަޑައިގަތްކަން އިޢުލާންކުރިއިރު، ޓްރަންޕް ހުންނެވީ ގޮލްފް ކުޅުއްވަން
އެމެރިކާގެ ރިޔާސީ އިންތިޚާބުގައި އިދިކޮޅު ޑިމަކްރަޓިކް ކެނޑިޑޭޓް އިންތިޚާބީ ރައީސް ޖޯ ބައިޑަންއަށް އިންތިޚާބު ކާމިޔާބު ކުރެއްވިކަން އިޢުލާން ކުރެއްވިއިރު، ރައީސް ޓްރަންޕް ހުންނެވީ ގޮލްފް ކުޅުއްވަންކަން ހާމަވެެއްޖެއެވެ.
ސީއެންއެންއިން ހާމަ ކޮށްފައިވާ ގޮތުގައި މީގެ 30 މިނެޓް ކުރިން، ވާޖިނިއާގައި ހުންނަ ޓްރަންޕް ނޭޝަނަލް ގޯލްފް ކްލަބަށް ޓްރަންޕް ވަނީ ވަޑައިގެންފައެވެ.
ސީއެންއެން ބުނެފައިވާގޮތުގައި މިއީ ވެރިކަމަށް ހޮވި ވަޑައިގަތްފަހުން ގޮލްފް ކްލަބަކަށް ޓްރަންޕް ކުރެއްވި 299 ވަނަ ޒިޔާރަތެވެ. އެންމެ ފަހުން ޓްރަންޕް ގޮލްފް ކުޅުއްވާފައި ވަނީ 27 ސެޕްޓެންބަރުގައެވެ. އޭގެ ފަހުން އިންތިޚާބުގެ ކަންކަމުގައި ބުރަކޮށް އުޅުއްވާތީ ގޮލްފް ކުޅުމާ ދުރުވި ކަމަށް ރިޕޯޓްތައް ބުނެއެވެ.
ޓްރަންޕް ގޮލްފް ކުޅުއްވަން ވަޑައިގެންފައިވަނީ، "މޭކް އެމެރިކާ ގްރޭޓް އެގެއިން" ސްލޮގަން ޖެހި ތޮތްޕެއް އަޅައިގެންނެވެ. އަދި އަދި ތުރުކުރައްވައިގެން ހުރީ ގޮލްފް ކުޅުއްވާ ކަހަލަ ބޫޓެއް ނޫން ކަމަށް މީޑިޔާއިން ރިޕޯޓް ކުރެއެވެ.
