މެލޭޝިއާގެ ވިޔަފާރިވެރިއަކު ރާއްޖެ އަށް 60،000 މާސްކު ހަދިޔާކޮށްފި
މެލޭޝިއާގެ ވިޔަފާރިއަކު ރާއްޖެއަށް 60،000 ފޭސް މާސްކް މިއަދު ހަދިޔާކޮށްފިއެވެ.
މެލޭޝިއާގެ ލިންބާގް ހޮލްޑިންގެ ވެރިޔާ ވިރާ ލިން ކަޗޮކްގެ ފަރާތުން ހަދިޔާކުރެއްވި މާސްކް ނޭޝަނަލް ޑިޒާސްޓާ މެނޭޖްމެންޓް އޮތޯރިޓީއާ ހަވާލުކޮށްދެއްވީ ދަނގެތީ ދާއިރާގެ މެމްބަރު ކާނަލް މުހައްމަދު ނާޒިމް އެވެ.
ލިންބަގް ހޯލްޑިން އަކީ އިމާރާތް ކުރުމުގެ ދާއިރާ ފާހަގަކޮށްލެވޭ ކުންފުންޏެކެވެ. އެ ކުންފުނިން ނެރުނު ބަޔާނެއްގައި ބުނީ މިއީ ކޮވިޑް-19 އާ ގުޅިގެން ރާއްޖެއަށް ކުރިމަތިވެފައިވާ އޮތް ހާލަތުން އަރައިގަތުމަށް އޭނާގެ ފަރާތުން އެހީއެއް ފޯރުކޮށް ދިނުމުގެެ ގޮތުން ކަމަށެވެ. އަދި ސަރުކާރުން ކުރަމުންދާ މަސައްކަތުން މި ހާލަތުން އަރައިގަނެ، ރާއްޖޭގެ އިގްތިސާދު ރަނގަޅު ކުރެވޭނެ ކަމުގެ އުއްމީދު އެބަ އޮތް ކަމަށް ވެސް އެ ބަޔާނުގައިވެ އެވެ.
I am delighted to donate 60,000 face masks to Maldives, on behalf of Malaysian based Linbaq Holding’s founder, my good friend Mr. Datuk Wira Ling Kah Chok.
Private sector help to goverments is vital in this unprecedented times due to #COVID19. We will get through this together. pic.twitter.com/fsgivrTqHa
— Col(rtd)Mohamed Nazim MP (@nazim7878) May 5, 2020
މެލޭޝިއާގެ ވިޔަފާރިވެރިއަކު ރާއްޖެ އަށް ދީލަތި އެހީތެރިކަމެއް ފޯރުކޮށްދީފައިވާއިރު، ސިންގަޕޫރުގެ ހޮޓެލް ޕްރޮޕަޓީސް ލިމިޓެޑް (އެޗްޕީއެލް)ގެ އޯނަރު އަދި ބިލިއަނަރު އޮންގް ބެންގް ސެންގް ވަނީ ރާއްޖެ އަށް 15 ވެންޓިލޭޓަރާއި، 150،000 މާސްކު ހަދިޔާކޮށްފައެވެ.
