މީހަކު ކުށެއް ކުރުމުން ގޯސް ވާންވީ އެމީހެކެވެ. އެމީހަކު މަސައްކަތް ކުރާ މުއައްސަސާއެއް ނޫނެވެ.
މިއަދު އަޅުގަނޑުމެންގެ މުޖުތަމައުގެ ތެރެެއިން ފެންނަމުންދާ ވަަރަށް ހިތާމަވެރި ކަމެކެވެ. ގިނަ ބަޔަކު އެކަމަކަށް މާ ބޮޑަށް އަޅާނުލި ނަމަވެސް ހަގީގަތުގައި މިއީ ވަަރަށް ކަންބޮޑުވާން ޖެހޭ ފަދަ ކަމެކެވެ. މި ވާހަކަ ވަރަށް ގިނައިން މީހުން ދައްކާ ވާހަކަ ވެސް އަޅުގަނޑު އަޑު އެހީމެވެ. ކޮފީ މޭޒުތަކުގައެވެ. ޖޯލިފަތި ތަކުގައެވެ. އެހެން ނަމަވެސް މި ވާހަކަ ފާޅުގައި އެއްވެސް މީހަކު ދައްކާ އަޑެއް އަޅުގަނޑެއް ނާޙަމެވެ.
މި ދޭތެރެއިން އަޅުގަނޑުމެންގެ ރާއްޖެއިން ވަރަށް ގިނައިން އަޑު އިވުނު ހަަބަރު ތަކަކީ އިސްލާމް ޓީޗަރުން ނުވަތަ ގުރުއާން ޓީޗަރުން އެ ޓީޗަރުންގެ ދަަރިވަރުންނާ ބެހިގެން އުޅޭ ހަބަރުތަކެވެ. ކޮންމެވެސް ގޮތަކުން އެ ދަރިވަރުންނާ ޖިންސީ ގޯނާ ކޮށްގެން އުޅޭ ވާހަކަތަކެކެވެ. އެފަދަ ކިތަންމެ ވާހަކައެއް އަޅުގަނޑުމެން އަޑު އަހައިފީމެވެ. މިއީ އަޅުގަނޑުމެން ހިތާމަކުރަން ޖެހޭ ކަމެކެވެ.
ގުރުއާން ޓީޗަރަކު ނުވަތަ އިސްލާމް ޓީޗަރެއްގެ ކިބައިން އެފަދަ އަމަލެއް ފެނުމުން ނުވަތަ އެފަދަ ތުހުމަތު ތަކެއް އެފަދަ މަގާމެއްގައި ހުރި މީހަކަށް ކުރެވުުުމުން ދެން ވާ ގޮތަކީ ހެއްޔެވެ؟ އިސްލާމް ޓީޗަރުންނާ އަދި ގުރުއާން ޓީޗަރުންނާ ދޭތެރޭ މުޖުތަަމައު ދެކޭ ގޮތް ބަަދަލު ވަނީއެވެ. މުޖުތަމައުން އެމީހުންނާ ދޭތެރޭ ދެކެނީ ވަރަށް ނައްސި ގޮތަކަށެވެ. އިސްލާމް ޓީޗަރެއް ނަމަ ކުޑަކުދިންނާ ބެހޭނެ ކަމަށް ގިނަ ބަޔަކު ގަބޫލު ކުރެެއެވެ.
ދާދި އިހަކަށް ދުވަހު އަޑު އިވިގެން ދިޔަ ހަބަރަކީ އުތުރުގެ ރަށެއްގެ ފުުލުހަކު މީހެއްގެ އަނތްބެއް ކައިރިއަށް ވަދެ އޮއްވާ އެ ރަށު ރައްޔިތުންތަކަކަށް ފެނުނު ވާހަކައެވެ. އަދި އެރަށު ރައްޔިތުން އެ ރަށު ފުލުސް އިދާރާ ދޮށުގައި މުޒާހަރާ ކުރި ހަބަރެެވެ. މި ވާހަކަ އަޑު އިވި ގިނަ ބަޔަކު މީސްމީޑިއާގައި ފުލުހުންނާ ދިމާއަށް ވަނީ އެއްޗެހި ކިޔާފައެވެ. ހަމަ އެކަނި އެކަން ކުރި ފުލުސް މީހާއަކަށް ނޫނެވެ. މުޅި ފުލުހުންގެ މުއައްސަަސާ އަށެވެ.
މިއީ މިކަން އޮންނަން ޖެހޭ ގޮތް ބާވައެވެ؟ ކިތަންމެ ރަނގަޅު މުޖުތަމައެއްގައި ވެސް ގޯސް މީހަކު ނުވަތަ ގޯސް ބަޔަކު އުޅެދާނެކަން އަޅުގަނޑުމެން ގަބޫލު ކުރަން ޖެހެއެވެ. އެމީހަކު ގޯސް ކަމެއް ކުރުމުން މުޅި މުއައްސަސާގެ އަގު ވައްޓާލާ ވާހަކަ ދެއްކުމަކީ އެންމެ ރަނގަޅު ގޮތްތޯ އަމިއްލަ ނަފްސާ ސުވާލު ކޮށްލުން ބުއްދިވެރިއެވެ. ތިޔަ ގޮތަށް ދަންނަވާނަމަ އެކަން ކުރީ ދިވެއްސެކެވެ. ދިވެެއްސަކަށް ވެއްޖެ ނަމަ އެކަން ކުރާނެ ކަމަށް ގަބޫލު ކުރަނީ ތޯއެވެ.
މީހަކު ކަމެއް ކުރުމުން އެމީހަކު މަސައްކަތް ކުރާ މުޅި މުއައްސަސާއަށް ހަޖޫ ޖެހުން ހުއްޓާލަން އެބަ ޖެހެއެވެ.އެހެން ނޫންނަމަ، އެ މުއައްސަސާއެއްގައި މަސައްކަތް ކުރާ ކޮންމެ މީހަކާ މެދު މުޖުތަމައު ދެކޭ ގޮތް ބަދަލު ވާނެއެވެ. އާނއެކެވެ. މީހަކު ކަމެއް ކުރުމުން ނުވަތަ ކުށެއް ކުރުމުން ގޯސް ވާންވީ އެމީހެކެވެ. އެމީހަކު މަސައްކަތް ކުރާ މުއައްސަސާއެއް ނޫނެވެ.
ތިކަންވާގޮތަކީ، ފުލުހުންގެ މަސައްކަތުގަޑީގައި ހުސްވަގުތު ގިނަވީމައި އެމީހުން ތިބާވަތުގެ ކަންކަމުގައި އުޅޭލޭގިނަވަނީ.
ތިޔަފަދަ ކަންކަންވަނީ މިހާރު ޘަޤާފަކަށްވެފަ. ތިޔައީ ހަމަ ދޮގުކުރވެންނެތް ކަމެއް. އެމަޢުލޫއަށް ދީނީ ނަސޭހަތްދޭންވީ އަަވަސްއަވަހަށް ދުވަސްގަނޑެއް ވަންދެން.