18 ވެންޓިލޭޓަރު ގެންނަން އާދިއްތަ ދުވަހު ޚާއްސަ ފްލައިޓެއް ބާއްވަނީ
ކޮވިޑް-19 އާއި ގުޅިގެން ރާއްޖެ ތައްޔާރީ ހާލަތުގައި އޮތުމަށްޓަކައި މެޑްޓެކް މޯލްޑިވްސްއާ ހަވާލުކޮށްގެން ސަރުކާރުން ގެންނަ ވެންޓިލޭޓަރުތަކުގެ ތެރެއިން 18 ވެންޓިލޭޓަރު އާދިއްތަ ދުވަހު ގެނައުމަށް ހަމަޖެހިއްޖެއެވެ.
މި ވެންޓިލޭޓަރު ތައް ގެނައުމަށްޓަކައި އާދިއްތަ ދުވަހު ޚާއްސަ މަތިންދާބޯޓެއް ބާއްވާނެ ކަމަށް ސްރީ ލަންކަން އެއާލައިންސްގެ ރާއްޖޭގެ އެޖެންޓް، އިނަ މޯލްޑިވްސް އިން މިއަދު ވަނީ ހާމަކޮށްފައެވެ.
ވެންޓިލޭޓަރު ގެނައުމަށް ހަމަޖެހިފައިވާ ފްލައިޓު މިއަދަށް ތާވަލު ކުރެވިފައިވީނަމަވެސް މިއަދު އެ ފްލައިޓް ނުބޭއްވުނީ މާ ބޮޑަށް ބިޒީ ވެ ޖާގައިގެ ދަތިކަން ދިމާވުމުން ކަމުގައި ވެސް އެ ފަރާތުން ވަނީ ހާމަކޮށްފައެވެ.
Due to capacity issue, the Ventilators booked by @MedtechMaldives on UL that was expected to arrive today is delayed. A total of 18 ICU Ventilators will be shipped on priority on 10th May UL 101’to support in the fight against covid19 we stand with Nation.
— Mohamed Firaq (@mohamedfiraq) May 8, 2020
ރާއްޖެއަށް 50 ވެންޓިލޭޓަރު ގެނައުމަށް، 14 މިލިއަން ރުފިޔާއަށް މެޑްޓެކް އާއި ޙަވާލުކޮށްފައި ވަނީ މިދިޔަ މާރިޗު މަހުގެ 19 ވަނަ ދުވަހުއެވެ. މި ވެންޓިލޭޓަރުތައް ގެންނަނީ ދެކުނު ކޮރެއާ އާއި ސުވިޒަލޭންޑުންނެވެ.
މެޑްޓެކްގެ އިތުރުން ، 26 ވެންޓިލޭޓަރު ގެނައުމަށްތަކައި ނާޑު ޕްރައިވެޓް ލިމިޓެޑް އާއިވެސް ވަނީ ހަވާލުކޮށްފައެވެ.
Ads by STO
