މަރުކަޒީ އިންޖީނުގެ އިފްތިތާހު ކޮށްދެއްވުމަށް ރައީސް ޞާލިޙު ގަމަށް ވަޑައިގަންނަވައިފި
ލ. ގަމު މަރުކަޒީ އިންޖީނުގެ އިފްތިތާހު ކޮށްދެއްވުމުގެ ރަސްމިއްޔާތުގައި ބައިވެރިވެ ވަޑައިގެންނެވުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ލ. ގަމަށް ވަޑައިގަންނަވައިފިއެވެ.
މިދަތުރުފުޅުގައި އެމަނިކުފާނާއެކު ފެނަކަ ކޯޕަރޭޝަންގެ މެނޭޖިންގ ޑިރެކްޓަރ އަޙްމަދު ސައީދު އަދި ސަރުކާރުގެ ބައެއް އިސްވެރިން ވެސް ވަނީ ބައިވެރިވެ ވަޑައިގެންފައެވެ.
ފެނަކަ ކޯޕަރޭޝަނުން މައުލޫމާތު ދިން ގޮތުގައި ލ. ގަމުގައި އެކުންފުނިން ދެމުންދާ މަރުކަޒީ ޚިދުމަތް މަރުކަޒީ އިންޖީނުގެ އަކުން އެއް ވިއުގަ އަކުން ގުޅާލައިގެން ޚިދުމަތް ދިނުން އިފްތިތާޙް ކުރުމުގެ ޖަލްސާ މިއަދު ހަވީރު ފެށިގެންދާނެއެވެ.
މިރަސްމިއްޔާތުގެ ޝަރަފުވެރި މެހެމާނަކީ ރައީސް ޞާލިޙު ކަމުގައިވެސް ފެނަކައިން ބުނެފައިވެއެވެ.
މި ރަސްމިއްޔާތުގައި ވާހަކަފުޅުދައްކަވަމުން ރައީސް ޞާލިހު ވިދާޅުވީ، ޞިއްޙީ ދާއިރާ ހަރުދަނާ ކުރުމަށް ސަރުކާރުން ގެންގުޅުއްވާ ސިޔާސަތު ކާމިޔާބު ވަމުންދާ މަންޒަރު މިއަދު ފެންނަމުންދާ ކަމަށެވެ. އަދި ރައްޔިތުންނަށް ތަކުލީފަކަށް ނުވެ ވީހާވެސް ގާތުން ފެންވަރު ރަނގަޅު ސިއްހީ ހިދުމަތް ލިބޭނެ ގޮތް ހެދުމަކީ ސަރުކާރުގެ އަމާޒެއް ކަމަށެވެ.
މީގެ އިތުރުން ރައީސް ވިދާޅުވީ ޞިއްޙީ ދާއިރާއަށް ރައްޔިތުންގެ އިތުބާރު މިހާރު ލިބިފައިވާކަމަށެވެ. އަދި ލ. ގަމު ހޮސްޕިޓަލްގައި އަލަށް ފަށާ ސީޓީ ސްކޭންގެ ޚިދުމަތަކީ، އެތަން ޓާޝަރީ ފެންވަރަށް ގެންދިއުމަށް ކުރެވޭ މަސައްކަތުގެ ތެރެއިން އިތުރުކުރެވެނު މުހިންމު ޚިދުމަތެއް ކަމަށެވެ.
ރައްޔިތުން ދަތި ހާލުގަރައިސްމީހާާ އުފަލާ މަޖަލުގަ އަވަދި ނރތި ދަތުރު ކުރުމުގަ. މީ ހެޔޮ ވިސްނޭ ވެރިން ކަންތައް ކުރާގޮތް.