ސަލްމާން ޚާންގެ ކޮއްކޮ ދުބާއީ ގެ ރެސްޓޯރަންޓެއްގައި ހުރި ތަށިތަކެއް ތަޅާލައިފި
ބޮލީވުޑްގެ މަޝްހޫރު ފިލްމީ ތަރި، ސަލްމާން ޚާންގެ ކޮއްކޮ އަރްޕިތާ ޚާން ޝަރްމާ، ދުބާއީ ގެ ރެސްޓޯރަންޓެއްގެ ތަށިތަކެއް ތަޅާލައިފިއެވެ.
އަރްޕިތާ އެތަށިތައް ތަޅާލާ މަންޒަރު ފެންނަ ވީޑިއޯ އެއް މިހާރު މީސް މީޑިއާ ގައި ވެސް ހަލުވި ކަމާއެކު ދައުރުވަމުންދާއިރު، މިކަމާ ގުޅޭގޮތުން ގިނަ ބައެއްގެ ފާޑުކިޔުން ވަނީ ސަލްމާންގެ އާއިލާއަށް ވެސް އަމާޒު ވެފައެވެ.
ގިނަ ބަޔަކު ހީކުރި ގޮތުގައި އަރްޕިތާ އެތަށިތައް ތަޅާލީ ރުޅި އައިސްގެންނެވެ. ނަމަވެސް ހަގީގަތުގައި އޭނާ މިކަން ކޮށްފައިވަނީ އެމީހުންގެ ސަޤާފީ ހަރަކާތެއްގައި ބައިވެރިވެ އެކަމަށް އެއްބާރުލުން ދިނުމުގެ ގޮތުންނެވެ.
މިއީ އެރެސްޓޯރަންޓު ހިންގާ ގްރީކް ބަޔަކު، "ނުބައި ވަސްވާސްތަކުން" ދުރުކުރުމުގެ ގޮތުން ކުރާ ކަމެކެވެ.
އަރްޕިތާ އެތަށިތައް ތަޅާލީ ރުޅި އައިސްގެން ކަމަށް މީހުން ބުނެ ފާޑުކިޔަމުން އަންނައިރު، ވީޑިއޯއިން ވެސް ފެންނަނީ އޭނާ ވަރަށް އުފަލާއެކީ ތަށިތައް ތަޅާލާ މަންޒަރެވެ. އެއް ބުރަށް އޭނާ އަަތަށް ދީފައި ހުރި ތަށިތައް ހުސް ވުމުން، ދެވަނަ ފަހަރަށް ވެސް ތަށި ތަޅަން އިތުރު ތަށި ހޯދަން އޭނާ ދާތަން ފެނެއެވެ.
