2020 ވަނަ އަހަރު ރެކޯޑު އަދަދަކަށް ނޫސްވެރިން ހައްޔަރުކޮށްފައިވޭ: ދިރާސާ
މި ހިނގާ 2020 ވަނަ އަހަރު ދުނިޔޭގެ އެކި ހިސާބުތަކުގައި ރެކޯޑު ނަންބަރަކަށް ނޫސްވެރިން ހިފާ ހައްޔަރު ކޮށްފައިވާ ކަމަށް ދިރާސާއަކުން ދައްކައިފިއެވެ.
އެމެރިކާގެ ޖަމިއްޔާއަކުން ކުރި މި ދިރާސާގައި ދައްކާ ގޮތުގައި މި އަހަރު ޖުމްލަ 274 ނޫސްވެރިޔަކު ވަނީ ހައްޔަރުކޮށް ޖަލަށް ލާފައެވެ. މިއީ އެ ޖަމިއްޔާއިން 1970 ގައި މި ދިރާސާ ކުރަން ފެށި ފަހުން އެއް އަހަރު ތެރޭގައި އެންމެ ގިނަ ނޫސްވެރިން ހައްޔަރުކޮށްފައިވާ އަހަރެވެ.
މީގެ އިތުރުން ވެސް މިއަހަރު ތެރޭގައި 26 ނޫސްވެރިޔަކު މަރާލާފައިވާ ކަން ފާހަގަ ވެފައިވާއިރު ނޫސްވެރިންނަށް އެންމެ ބިރުވެރި ގައުމެއްގެ ގޮތުގައި ފާހަގަ ކޮށްފައި ވަނީ މެކްސިކޯއެވެ.
ދެވަނައަށް އެންމެ ނުރައްކާތެރި ގައުމެއްގެ ގޮތުގައި ފާހަގަކޮށްފައިވާ ޗައިނާ އިން މިދިޔަ ހަފްތާގެ ތެރޭގައި އެކަނިވެސް 47 ނޫސްވެރިން ހިފާ ހައްޔަރުކުރި ކަމަށް މި ދިރާސާގެ ރިޕޯޓުން ހާމަވެއެވެ.
