އަނެއްކާވެސް ކައިޒީންގެ ތަފާތު ޓިކްޓޮކެއް، މިފަހަރު ބެލުންތެރިންނަށް ނަށާލަދިން!

ރާއްޖޭގެ ފަންނާނުންނަށް ބަލާއިރު، މީސްމީޑިއާ ގައި އެންމެ ފޮލޯވަރުން ގިނަ އެއް ފަންނާނެއް ކަމުގައި ވެފައިވަނީ މަޝްހޫރު މޮޑެލް ކައިޒީން (ކައި) އެވެ. އިންސްޓަގްރާމް ގައި ވެސް އޭނާގެ ފޮލޯވަރުން އެހާމެ ގިނައިރު، މިދިޔަ އަހަރުގެ އޮކްޓޯބަރު މަހުގެ 24 ވަނަ ދުވަހު ކައި ވަނީ، ގިނަ ދިވެހިން ބޭނުން ކުރަމުން އަންނަ ، ކުރު ވީޑިއޯ ހެދޭ އެޕްލިކޭޝަން ކަމުގައިވާ "ޓިކްޓޮކް" ބޭނުން ކުރަން ފަށާފައެވެ.

Ads by MWSC

ޓިކްޓޮކަށް ތަޢާރަފްވުމުން އޭނާއަށް އެތައް ފާޑުކިޔުންތަކެއް އަމާޒުވީ ނަަމަވެސް، ކައި އަންނަނީ މަދުން ނަމަވެސް އެއެޕްލިކޭޝަންގައި ފައިހަމަ ކުރަމުންނެވެ. ތަފާތު އެކި ވީޑިއޯ އުފައްދަމުން، ކައިޒީން ދަނީ ފާޑުކިޔުން ތަކާއެކު ވެސް ކުރިއަށެވެ.

އެގޮތުން އިއްޔެ ވެސް އޭނާ ވަނީ ޓިކްޓޮކް ވީޑިއޯއެއް ހަދާފައެވެ. އެހެން ވީޑިއޯތަކުގައި ގިނައިން ހިނގާ މަންޒަރު ފެނުނަސް، މިފަހަރުގެ ވީޑިއޯ ގައި ކައިޒީން ވަނީ ބެލުންތެރިންނަށް ނަށާވެސް ދީފައެވެ.

ކައި ގެ އެވީޑިއޯ އަށް ގިނަ ބެލުންތެރިންގެ ފަރާތުން ފާޑުކިޔުން އަމާޒުވެފައިވީ ނަމަވެސް، ބައެއް މީހުން ތައުރީފުވެސް ކޮށްފައި ހުއްޓެވެ.

ރާއްޖޭގެ އެހެން ބައެއް މަޝްހޫރު ފަންނާނުންނާއި ޚިލާފަށް ކައިގެ ޓިކްޓޮކް އެކައުންޓު އަދި ވެރިފައި އެއް ނުވެއެވެ. ނަމަވެސް މިހާރުވެސް 16،000 އަށްވުރެ ގިނަ މީހުން އޭނާ ފޮލޯކޮށް ކައިގެ ވީޑިއޯތަކަށް ގާތްގަނޑަކަށް 20،000 ލައިކްސް ލިބިފައިވެއެވެ. ކައި އަދި އެއްވެސް މީހަކު ޓިކްޓޮކް ގައި ފޮލޯ ނުކުރާކަން ވެސް ފާހަގަ ވެއެވެ.

މީގެކުރިން ކައި ބުނި ގޮތުގައި އޭނާ ޓިކްޓޮކް ބޭނުން ކުރަން ފެށީ، ޓިކްޓޮކްގެ ސައުތު އޭޝިއަން ޓީމުން ދިން ދައުވަތަކަށެވެ.