ހޮސްޕިޓަލުތައް ފުރި ބަލި މީހުން ހޮޓެލްތަކަށް ބަދަލު ކުރަނީ
އިނގެރޭސިވިލާތުގެ ހޮސްޕިޓަލްތަކުގައި އެޑްމިޓް ކޮށްފައިވާ ބަލި މީހުން ދޫކޮށް ހޮޓެލް ތަކަށް ބަދަލުކުރަން ނިންމައިފިއެވެ.
އެކި ބަލިތަކަށް ފަރުވާދޭ މީހުން ހޮސްޕިޓަލުން ދޫކޮށް ހޮޓެލްތަކަށް ބަދަލުކުރަން ނިންމާފައި ވަނީ ކޮވިޑް-19 ޖެހިގެން ހާލު ދެރަވެ ނުވަތަ ހައި ރިސްކް ފަރާތްތަކަށް ޖާގަ ހުސްކުރުމުގެ ގޮތުންނެވެ.
އިނގެރޭސި ވިލާތުގައި ހުންނަ ހޮސްޕިޓަލް ޗީފްސް އިން މި މަސައްކަތް ފަށާފައި ވަނީ އެމަޖެންސީ ހާލަތަކަށް ދިޔުމުގެ ކުރިން އެކަމަށް ތައްޔާރުވުމުގެ ގޮތުންނެވެ. އެމަޖެންސީ ހާލަތެއް ދިމާވެ. އަދި ހޮސްޕިޓަލުގައި ފަރުވާ ނުދެވި ބަަލި މީހުން ދޫކޮށްލަން ޖެހުމުގެ ބިރާ ވެސް އެކުގައެވެ.
މިކަމާ ގުޅިގެން ނޭޝަނަލް ހެލްތް ސާރވިސް އިން ދަނީ ހޮސްޕިޓަލުން ދޫކުރާ ކޮވިޑް-19 އާ ގުޅޭ ބަލި މީހުން 14 ދުވަހު ކަރަންޓީނު ވެފައި ވާ ނަމަ، އަދި ބަލީގެ އެއްވެސް އަލާމާތެއް ނެތް ނަމަ ޓެސްޓު ނުކޮށް ހޮޓެލްތަކުން ބަލައިގަތުމަށް އެދިފައެވެ.
ހޮސްޕިޓަލްތަކުން ދޫކުރާ ބަލި މީހުން ހޮޓެލްތަކަށް ބަދަލު ކުރި ނަމަވެސް ވޮލެންޓިއަރުންނާއި، ބްރިޓިޝް ރެޑް ކްރެސެންޓް ފަދަ ތަންތަނުން އެހީތެރިކަން ފޯރު ކޮށްދޭނެއެވެ. މީގެ އިތުރުން އާއިލާއިން ބަލި މީހުން ބެލުމުގައި އިސް ރޯލެއް އަަދާކުރަން ޖެހޭނެއެވެ.“ލަންޑަން ހޮޓެލް ގްރޫޕް” އިން ވަނީ ކޮވިޑް ޖެހުނު ގެދޮރު ނެތް ބަލި މީހުން “ކިންގް ކޮލެޖް ހޮސްޕިޓަލް” އިން ހޮޓަލަކަށް ބަދަލުކޮށް ހިދުމަތް ދެމުންނެވެ.
ލަންޑަންގެ އިތުރުން އިންގްލޭންޑް ގެ ގިނަ ހޮސްޕިޓަލުތައް މިހާރު ދަނީ ފުރެމުންނެވެ. ބަލި ޖެހޭ މީހުން އިތުރުވެ، ހޮސްޕިޓަލުގައި ފަރުވާ ދޭ މީހުން ދުވަހެއް ދުވަހަކަށް ދަނީ އިތުރު ވަމުންނެވެ. ނޭޝަނަލް ހެލްތު ސާރވިސް ގެ އޮފިޝަލަކު މައުލޫމާތު ދިން ގޮތުގައި އެއްވެސް ބަލި މީހެއްގެ ނުރުހުމުގައި ހޮސްޕިޓަލުން ދުލެއް ނުކުރާނެއެވެ. އަދި ހޮޓެލް ތަކަށް ބަދަލު ކުރަނީ ސިއްޙީ ހާލަތު ގޯސް ނުވާ، ހޮޓަލުގައި ފަރުވާ ދެވޭނެ ބަލި މީހުން އެކަންޏެވެ.
