ފައްސިވި މީހެއްގެ ކޮންޓެކްޓެއް ރައީސްއާ ބައްދަލުވެފައިވޭ!

މީޑިއާ ކައުންސިލުން ފައްސިވި މީހެއްގެ ކޮންޓެކްޓް އަކާ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ބައްދަލުވެފައިވާ ކަމަށް ހެލްތު އެމެޖެންސީ އޮޕަރޭޝަން ސެންޓަރުން ބުނެފިއެވެ.

Ads by STELCO

އެ ސެންޓަރުގައި މިރޭ ބޭއްވި ނޫސްވެރިންގެ ބައްދަލުވުމުގައި އެސެންޓަރުގެ ތަރުޖަމާނު ފާޠިމަތު ނަޒްލާ ރަފީޤް ވިދާޅުވީ އެ މީހާއަކީ ޑައިރެކްޓް ކޮންޓެކްޓެއްކަން އެނގިފައި ވަނީ ބައްދަލުވުން ނިމުނު ފަހުން ކަމަށާއި އެ ބައްދަލުވުމުގައި ބައިވެރިވި މީހުންނަށް ބަލި ޖެހުމުގެ ރިސްކު ކުޑަކަމަށް ނަޒްލާ ވިދާޅުވިއެވެ.

އެ ބައްދަލުވުން ކުރިއަށް ދިޔައީ އެޗްޕީއޭ މިންގަނޑާ އެއްގޮތަށް ގައިދުރުކަމާއި އެނޫންވެސް އެންމެހައި ފިޔަވަޅުތަކެއް އަޅައިގެންކަން މިހާތަނަށް ބެލި ބެލުމުން ފާހަގަވެފައިވާތީ އެ ބައްދަލުވުމުގެ ބައިވެރިންނަކީ ކޮންޓެކްޓުން ނުބެލެވޭނެ ކަމަށް ނަޒްލާ ވިދާޅުވިއެވެ.