މާލޭގެ ގެއެއްގައި އަލިފާން ރޯވެގެން ފުލުހުންނާއި ސިފައިން ހަރަކާތްތެރިވަނީ

މާލޭގެ މާފަންނުގައި ހުރި ގެއެއްގައި އަލިފާން ރޯވެގެން ފުލުހުންނާއި ސިފައިން ހަރަކާތްތެރިވާން ފަށަައިފިއެވެ.

Ads by STELCO

އެމްއެންޑީއެފް ގެ ތަރުޖަމާނު މޭޖަރ އިބްރާހިމް އާޒިމް ވިދާޅުވީ މ. ގުލްސަމީމާގޭގައި އަލިފާނުގެ ހާދިސާއެއް ހިނގައިގެން އުޅޭކަމުގެ ރިޕޯޓު ލިބިގެން އެމްއެންޑީއެފްގެ ފަޔަރ އެންޑް ރެސްކިޔުއިން ހަރަކާތްތެރި ވަމުންދާ ކަމަށެވެ.

މިހާދިސާގެ ރިޕޯޓު ލިބިފައިވަނީ މިއަދު 19:32 ގައި ކަމަށާއި ފަޔަރ ޓީމަށް އެތަނަށް ދެވުނީ 19:47 ގައި ކަމަށް ވެސް އާޒިމް ވިދާޅުވިއެވެ.

އެމްއެންޑީއެފް އިން ބުނި ގޮތުގައި އަލިފާން ރޯވީ އެގޭގެ ފުރާޅުމަތީގައި ހުރި ކުނި ތަކެެއްގައެވެ. އެއަލިފާންގަނޑު މިހާރު ވަނީ ނިއްވާލާފައެވެ.

މިހާދިސާއާ ގުޅޭގޮތުން ފުލުހުންގެ މީޑިއާ އޮފިޝަލަކު ވިދާޅުވީ އަލިފާނުގެ މިހާދިސާގައި އެއްވެސް މީހަކަަށް އަނިޔާވެފައި ނުވާ ކަމަށެވެ.