މަޖިލިސް އަދި ގްރީން ޒޯނު ސަރަޙައްދު މާދަމާ ބަންދު

ރައްޔިތުންގެ މަޖިލިސް އާ އަހަރަށް ހުޅުވުމުގެ ޖަލްސާ މާދަމާ ބޭއްވުމަށް ހަމަޖެހިފައި ވާތީ މަޖިލިސް ހިމެނޭ ސަރަޙައްދާއި ގްރީން ޒޯން މާދަމާ ބަންދު ކުރަން ނިންމައިފިއެވެ.

Ads by Sosun Fihaara

އެ ޖަލްސާ ހިނގަމުންދާ ވަގުތު ބަންދުވާނެ މަގުތައް ފުލުހުން މިހާރު އާންމު ކޮށްފައި ވާއިރު، އެއްގަމު އުޅަނދު ވަނުން މަނާ ސަރަހައްދުތަކާއި، ދެ ފުރޮޅަށް ވުރެ ގިނަ ފުރޮޅުލީ އެއްގަމު އުޅަނދުތަކަށް ވެސް ނުވަދެވޭ މަގުތަކެއް ކަނޑައަޅާ އެ ސަރަހައްދުތައް ބަންދުކުރަން ވަނީ ނިންމާފައެވެ.

މިއަހަރު ރައްޔިތުންގެ މަޖިލިސްގެ ފުރަތަމަ ދައުރުގެ ފުރަތަމަ ޖަލްސާގައި ރައީސުލް ޖުމްހޫރިއްޔާގެ ރިޔާސީ ބަޔާން އިއްވާނެއެވެ.

ރައްޔިތުންގެ މަޖިލީހުގައި ރިޔާސީ ބަޔާން އިއްވަވާ، މަޖިލިސް ހުޅުވާ ދުވަހަކީ، ސަރުކާރު ބަންދު ދުވަހެކެވެ.