އަޅުގަނޑުގެ އަމާޒަކީ މި އަހަރު އިތުރު ބައި މިލިއަން ޓޫރިސްޓުން ރާއްޖެ ގެނައުން: ރައީސް
އަމާޒަކީ މި އަހަރު އިތުރު ބައި މިލިއަން ޓޫރިސްޓުން ރާއްޖެ ގެނައުން ކަމަށް ރައީސް އިބްރާހިމް މުހައްމަދު ސޯލިހު ވިދާޅިވެއްޖެއެވެ.
އެގޮތުން ރައީސް ވިދާޅުވީ ބޯޑަރު ހުޅުވާލާއިރު، ހުޅުވާލަނީ ހުރިހާ ގައުމަކަށް ކަމުގައި ވީ ނަމަވެސް ބައެއް ގައުމުތަކުގައިއެ ގައުމުތަކުގެ އުސޫލުތަކެއް އުޅޭ ކަމަށެވެ. އެގޮތުން ޗައިނާ އިން ވަނީ ރާއްޖެ އަށް މީހުން ފޮނުވާނެ ކަމަށް ބުނެފައިވީ ނަމަވެސް ޗައިނާ އިން އަންނަ ޓޫރިސްޓުންއަ ފުރާއިރު އެމީހުންގެ އަތުގައި 4 ދުވަހުގެ ޕީސީއާރު ޓެސްޓެއް އޮންނަން ޖެހޭ ކަމަށެވެ.
ރައީސް ވަނީ އެގޮތަށްް އެ ދޭނެ ކަމަށް ވިދާޅުވެ އެއާޕޯޓުގައި ދުވާލަކު 1000 ޓެސްޓް ހެދޭ ވަރުގެ ކެޕޭސިޓީއެއް ގާއިމްކުރާނެ ކަމަށް ވިދާޅުވެފައެވެ.
މީގެ އިތުރުން ވެސް ރައީސް ސޯލިހު ވަނީ ރާއްޖޭގެ އިގްތިސޯދު ބަރޯސާ ވެފައި އޮތީ ޓޫރިޒަމަށް ކަން ފާހަގަކުރައްވައި ޓޫރިސްޓުން ނާންނާތީ، ޓޫރިޒަމްގެ ރެވެނިއު އޮތީ ސުމެއްގައި ކަމަށް ވިދާޅުވެފައެވެ.
"އަޅުގަނޑުގެ އަމާޒަކީ މި އަހަރު އިތުރަށް ފަސް ލައްކަ ޓޫރިސްޓުން އަންނާނެ ކަމަށް. މިހާރު ރާއްޖެ އައި ޓޫރިސްޓުންގެ އަދަދު މި އުޅެނީ ތިން ލައްކަ ކޮންމެވެސް ވަރެއްގައި." ރައީސް ވިދާޅުވިއެވެ.
އަދި މިއަހަރު ފަހު ކޮޅު ޓޫރިޒަމް ބޮޑުތަނުން ރަނގަޅުވާނެ ކަމަށް އަންދާޒާ ކުރައްވާ ކަމަށް ވެސް ރައީސް ވިދާޅުވިއެވެ.
ރާއްޖޭގެ ބައިނަލްއަގްވާމީ ބޯޑަރު ހުޅުވާލާ ޓޫރިޒަމް އަލުން ފަށަން ހަމަޖެހިފައިވަނީ ޖުލައި މަހުގެ 15 ވަނަ ދުވަހުއެވެ.
Ads by STO
