ހިޔާ ފްލެޓުތަކުގައި އުޅެން ތިބި މީހުނަށް ގަޑި ނުޖެހި އޮފީހަށް ނުދެވޭނެ: ރައީސް
ހިޔާ ފްލެޓުތަކުގައި އުޅެން ތިބި މީހުނަށް ގަޑި ނުޖެހި އޮފީހަށް ނުދެވޭނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރައީސް ވިދާޅުވީ ހިޔާގެ 7000 ފްލެޓަކީ މީހުން ދިރިއުޅެން ހެޔޮވާވަރުގެ ތަނެއް ނޫން ކަމަށެވެ. ެގޮތުން ހިޔާ ފްލެޓުގެ ކޮންމެ ޓަވަރެއްގައި 500 އަށް ވުރެ ގިނަ މީހުން ދިރިއުޅޭނެ ކަން ފާހަގަކުރައްވައި ރައީސް ވިދާޅުވީ އެކަން ހަމައެކަނި ލިފްޓްތަކަށް ބަލާލިޔަސް ފާހަގަވާނެ ކަމަށެވެ. ރައީސް ވަނީ އެ ލިފްޓުތަކުން އަރާ ފައިބައިގެން އޮފީހަށް ދާނީ ކިހިނެތްތޯ ސުވާލު އުފައްދާފައެވެ.
"ލާހިކެއް ނޫން ގަޑިނުޖެހި ދާން." ރައީސް ވިދާޅުވިއެވެ.
މީގެ އިތުރުން ރައީސް ވިދާޅުވީ ހިޔާ ފްލެޓުތައް ބޭރުން ބަލާލަން ރީތި ނަމަވެސް އެތަން ދިރިއުޅެން ރަނގަޅު ނޫން ކަމަށެވެ.
" އެއީ ދެކޮޅު ޖެހޭ ކަމެއް ނޫން ކޮށްފައި ހުރި. އަދިވެސް މި ދަންނަވަނީ އެއީ ދެކޮޅު ޖެހޭ ކަމެއް ނޫނޭ." ރައީސް ވިދާޅުވިއެވެ.
ނަމަވެސް އެހައްގުވާ ފަރާތްތަކަށް އެތަން ހަވާލުކުރުމުގެ މަސައްކަތް ކުރަމުން އަންނަ ކަމުގައި ވެސް ރައީސް ވިދާޅުވިއެވެ.
Ads by STO
