ބައެއް އިލްމުވެރިން ދެނީ ޖިންސީ ގުޅުމުގެ އިރުޝާދު: ރައީސް ނަޝީދު
ދީނީ ނަސޭހަތް ދިނުމުގެ ހުއްދަ އިސްލާމިކް މިނިސްޓްރީން ދޫކޮށްފައިވާ ބައެއް އިލްމުވެރިން ދެއްވަމުން ގެންދަވަނީ ޖިންސީ ގުޅުމުގެ އިރުޝާދު ކަމަށް ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވީ މާލޭގައި ޒުވާނުން ހިތްފަސޭހަ ކޮށްލައި މުނިއަވަސް ފިލުވައި ހާސްކަމެއް ނެތި މަޖާކޮށް މިއުޒިކު ކުޅެ މިއުޒިކު އަޑުއަހައި ނަށާލާނެ މަރުކަޒެއް ޤާއިމުކުރުމަށް ގޮވައިލާ ރައްޔިތުންގެ މަޖިލިހުގެ ހެންވޭރު ހުޅަނގު ދާއިރާ މެންބަރު ޙަސަން ލަޠީފު ހުށަހެޅުއްވި ގަރާރާ ގުޅިގެން އިލްމުވެރިން އެކަމަށް ވަރަށް ބޮޑަށް ފާޑު ކިޔާފައިވާތީއެވެ. އެކަމާ ގުޅިގެން އިސްލާމިކް މިނިސްޓްރީއިން ބަޔާނެއް ވެސް ނެރުނެވެ.
އެވާހަކަތަކާ ގުޅިގެން ރައީސް ނަޝީދު މިއަދުގެ ޖަލްސާގައި ވިދާޅުވީ ދީނީ ނަސޭހަތް ދިނުމުގެ ހުއްދަ ލިބިފައިވާ މިފަދަ ބައެއް އިލްމުވެރިން ދެއްވާ އިރުޝާދަކީ ޖިންސީ ގުޅުމުގެ އިރުޝާދުކަމަށް ގިނަ ރައްޔިތުން ބުުނަމުން އަންނަ ކަމަށެވެ.
"އަޅުގަނޑު އިއްޔެ މި މަޖިލީހުގައި މެންބަރުން ވާހަކަ ދައްކަވަނިކޮށް އަޅުގަނޑު އަޑު އެހިން، ހުއްދަ ލިބިވަޑައިގެންނެވި ތިއްބެވި ބައެއް ބޭފުޅުން ދެއްވާ އިރުޝާދަކީ ޖިންސީ ގުޅުމުގެ އިރުޝާދު ކަމަށް، އެހެންވީމަ އެ ބޭފުޅުންގެ އިރުޝާދުތައް ކޮން މިންވަރަކަށްތޯ ރައްޔިތުން ބަލައިގަންނާނީ، އެއީ އަޅުގަނޑުމެންނަށް އުނދަގޫ ވެފައިވާ ކަމެއް ކަމަށް އިއްޔެ މި މަޖިލީހުގައި އަޅުގަނޑުމެންނަށް ފާހަގަ ކުރެވުނީ،" ރައީސް ނަޝީދު ވިދާޅުވިއެވެ.
މަޖިލީހުގައި ދީނާ ހިލާފު ވާހަކަ ނުދެއްކޭނެ ކަމަށާއި އިސްލާމް ދީނުގެ އަސްލަކާ ޚިލާފު އެއްވެސް ވާހަކައެއް ރައްޔިތުންގެ މަޖިލީހުގެ މެންބަރުން ދައްކަވަމުން ނުގެންދަވާ ކަމަށް ރައީސް ނަޝީދު ގަބޫލު ކުރައްވާ ކަމުގައި ވެސް ވިދާޅުވިއެވެ.
ނަގުލާ މީތަ މި މުނާފިގު ނަޝީދުގެ އަސްލަކީ
އިލްމުވެރިން ބޭނުން ކޮށްގެން ވޯޓު ހޯދާ ވެރިކަމަށް އައި އިރު ޖިންސީ ގުޅުމުގެ ވާހަކަ ދެންކިޔަސް އޯކެ ދޯ!
ޢީވާ އާ ކެލެައާ ހިނގާނީ ކޮން ގުޅުމެއް.. ލީކްވެޑަނެ