ސަރުކާރުގެ ސިޔާސަތުން އިންޓަނެޓްގެ އަގު ވާނީ ބޮޑު : ސައީދު
ސަރުކާރުގެ މިހާރު އޮތް ސިޔާސަތުން އިންޓަނެޓް ވާނީ ބޮޑު ކަމަށް މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެ އެވެ.
ސައީދު މިފަދައިން ވިދާޅުވެފައި ވަނީ ރާއްޖޭގެ ޓެލެކޮމް އޮޕަރޭޓަރުންނަށް މަންފާވާ ގޮތަށް އޮތޯރިޓީން މަސައްކަތް ކުރާ ކަމަށް ވިދާޅުވާ ގަރާރެއް މާފަންނު މެދު ދާއިރާގެ މެންބަރު އިބްރާހިމް ރަޝީދު މިއަދު ހުށަހެޅުއްވުމުން އެ ގަރާރަށް ބަހުސް ކުރައްވަމުންނެވެ.
ސައީދު ވަނީ އިންޓަނެޓް އަގު ހެޔޮ ކުރަން ސަރުކާރުން ކުރީ ކީއްތޯ ސުވާލު ކުރައްވާފައެވެ. ސައީދު ވިދާޅުވީ އިންޓަނެޓް އަގު ހެޔޮކުރަން ދައްކާ ވާހަކަތަކުގެ ހަގީގީ މަންޒަރު އެންމެ ރީއްޗަށް ފެންނަނީ ދާދި ފަހުން ފާސް ކުރި ބޮޑު ބަޖެޓުން ކަމަށެވެ.
ރާއްޖޭގައި ދެމުން ގެންދާ އިންޓަނެޓްގެ އަގު ހެޔޮ ކުރުމަށް މަސައްކަތް ކުރައްވަމުން ގެންދަވާ ކަމަށް އާ ސަރުކާރުން އަލަށް އުފެއްދެވި މިނިސްޓްރީ އޮފް ކޮމިޔުނިކޭޝަން އެންޑް ޓެކްނޮލޮޖީގެ މިނިސްޓަރު މުހައްމަދު މަލީހް ވަނީ މީގެ ކުރިން ވިދާޅުވެފައެވެ. މަލީހު ވިދާޅުވީ މި ސަރަހައްދުގެ އެހެނިހެން ގައުމުތަކާ އަޅާ ބަލާއިރު އިންޓަނެޓްގެ އަގު ބޮޑު ކަމަށެވެ. އަދި އެކަމުގެ ޝާކުވާ އާންމުން ވަރަށް ބޮޑަށް ކުރާ ކަމަށް ސަޢީދު ވިދާޅުވިއެވެ.
އިންޓަނެޓްގެ އަގުހެޔޮ ކުރުމަށް ސަރުކާރުން ވެފައިވާ ވައުދު ފުއްދުން، އޮތީ 2022 ވަނަ އަހަރުގެ ތެރޭގައި ކަމަށް ރައީސުލްޖުމްހޫރިއްޔާގެ އޮފީހުން ވެސް މީގެ ކުރިން ވަނީ ބުނެފައެވެ.
