ކޮވިޑް-19: ތިނަދޫން ފައްސިވި މީހާގެ ޑައިރެކްޓް ކޮންޓެކްޓެއް ފައްސި ވެއްޖެ

ތިނަދޫން ފައްސިވި މީހާގެ ޑައިރެކްޓް ކޮންޓެކްޓެއް ފައްސި ވެއްޖެއެވެ.

Ads by STELCO

ތިނަދޫ ޑރ.އަބްދުލް ސަމަދު މެމޯރިއަލް ހޮސްޕިޓަލުން ވިދާޅުވީ އައްޑޫ އެއަރޕޯރޓް ކްލަސްޓަރގެ ޑައިރެކްޓް ކޮންޓެކްޓްއެއްގެ ގޮތުގައި ތިނަދޫން ފާހަގަ ކުރެވުނު މީހެއް މިއަދު ކޮވިޑް-19 އަށް ފައްސި ވެފައިވާ ކަމަށެވެ.

މިއާއެކު މިވަގުތު ގދ.ތިނަދޫގައި ފައްސިވި މީހުންގެ އަދަދު ވަނީ 3 އަށް އަރާފައެވެ. ތިނަދޫ ކައުންސިލްގެ ރައީސް އަލީ އަމްޖަދު “ދެން” އަށް މައުލޫމާތު ދެއްވަމުން ވިދާޅުވީ ފައްސިވި މީހާގެ ކޮންޓެކްޓް ޓްރޭސިންގެ މަސައްކަތް މިހާރު ފަށާފައިވާ ކަމަށެވެ.

ކޮވިޑް-19 ވައިރަސް ފެތުރިފައިވާ މިންވަރު ދެނެގަތުމަށްޓަކައި 07 ފެބްރުވަރީ 2021 ގައި ނެގުނު ރެންޑަމް ސާމްޕަލްއެއް ކޮވިޑް-19 އަށް ފައްސިވެފައި ވަނީ 8 ފެބްރުއަރީ ގައެވެ.

ގދ. ތިނަދޫން ރޭންޑަމް ސާމްޕަލެއް ކޮވިޑް-19 އަށް ފައްސިވުމާ ގުޅިގެން އެރަށް މޮނިޓަރިން އަށް ލާފައިވާއިރު ރަށުގައި ރައްކާތެރިކަމުގެ ފިޔަވަޅުތައް ވަނީ އިތުރަށް ވަރުގަދަ ކޮށްފައެވެ.

ތިނަދޫ ކައުންސިލުން ނެރުނު ބަޔާނެއްގައި ބުނެފައި ވަނީ އެރަށުގައި ކޮވިޑް ފެތުރުން ކޮންޓްރޯލު ކުރުމަށް އަޅާފައިވާ ފިޔަވަޅުތައް ހަރުދަނާ ކޮށްފައިވާ ކަމަށެވެ.

ތިނަދޫގައި އަޅާފައިވާ ފިޔަވަޅުތަށް

ސައިހޮޓާ އަދި ރެސްޓޯރެންޓުތައް ރޭގަނޑު 11:00 ގައި ބަންދުކުރުން
ފިހާރަތަކާއި ގާޑިޔާތައް ރޭގަނޑު 10:00 ގައި ބަންދުކުރުން
ހުރިހާ ކުޅިވަރު ހަރަކާތްތައް ހުއްޓާލުން
ފަރު މަސްވެރިކަން ކުރާ އުޅަނދުފަހަރު ކައުންސިލުން ދޫކުރާ ޚާއްސަ ހުއްދައިގެ ދަށުންނޫނީ މަހަށް ނުފުރުން
ކަނޑު މަސްވެރިކަން ކުރާ އުޅަނދުފަހަރު ކައުންސިލާ ވެވޭ އިޤްރާރެއްގެ ދަށުން ނޫނީ މަހަށް ނުފުރުން
ސްކޫލް ، ކޮލެޖް ޔުނިވާރސިޓީ އަދި ޓިއުޝަންކްލާސްތަކާއި ޤްރުއާން ކްލާސްތައް އޮންލައިންކޮށް ކުރިޔަށް ގެންދިޔުން
ކުޑަކުދިންގެ ޕާރކްތަކާއި ، މިއުޒިއަމް ޕާރކް ބަންދުކުރުން