ޤަވާއިދާ ހިލާފަށް އުޅުނު ބަންގްލަދޭޝްގެ އިތުރު 200 މީހަކު ފުރުވާލައިފި
ރާއްޖޭގައި ޤަވާއިދާ ހިލާފަށް އުޅުނު އިތުރު 200 މީހަކު މިއަދު އަނބުރާ އެމީހުންގެ ޤައުމަށް ފުރުވާލައިފިއެވެ.
ބަންގްލަދޭޝްގެ ޑާކާއަށް މިމީހުން އަނބުރާ ފޮނުވާލާފައިވަނީ މިއަދު ދިޔަ މޯލްޑިވިއަންގެ ފްލައިޓަކުންނެވެ.
ޤަވާއިދާ ހިލާފަށް ރާއްޖޭގައި އުޅޭ ބަންގްލަދޭޝް ރައްޔިތުންތަކެއް މީގެ ކުރިން ވެސް އަނބުރާ ޤައުމަށް ފޮނުވާލާފައިވާއިރު، މިހާތަނަށް އެޤައުމުގެ 2000 ރައްޔިތުން ފޮނުވާލާފައިވާ ކަމަށް މައުލޫމާތު ލިބެއެވެ.
ރާއްޖޭގައި ވެސް މިހާރު ފެތުރިފައިވާ ކޮވިޑް-19 ގެ ބަލިމަޑުކަމުގައި، މިހާތަނަށް އެންމެ ގިނައިން ފައްސިވެފައިވަނީ ވެސް ބިދޭސީންނެވެ. އެގޮތުން މިހާތަނަށް ރާއްޖެއިން މިބައްޔަށް 2283 މީހުން ފައްސިވެފައިވާއިރު އޭގެތެރެއިން 1479 މީހުންނަކީ ބިދޭސީންނެވެ. އަދި ބިދޭސީންގެ ތެރެއިން އެންމެ ގިނަ އަދަދަކަށް މިބައްޔަށް ފައްސިވެފައިވަނީ ވެސް ބަންގްލަދޭޝްގެ ރައްޔިތުން ކަމަށް ފާހަގަވެފައިވެއެވެ.
