ސަފާރީއެއްގައި އަންހެނަކު ރޭޕްކުރި މައްސަލާގައި ހައްޔަރުކޮށް ދޫކޮށްލާފައި ވަނީ މަޖިލިސް މެމްބަރެއްގެ ފިރިކަލުން؟
ހުޅުމާލޭ ކައިރީ އަޅާފައި އޮތް ސަފާރީއަކަށް ދިޔަ ބިދޭސީ އަންހެނަކަށް ޖިންސީ ގޯނާކުރި މައްސަލާގައި ހައްޔަރުކުރި މީހުން ދޫކޮށްލާފައިވާއިރު އެ މައްސަލާގައި ތުހުމަތު ކުރެވެނީ މަޖިލިސް މެމްބަރެއްގެ ފިރިކަލުންނަށް ކަން ހާމަވެއްޖެއެވެ.
އެ މައްސަލައިގެ ތުހުމަތުގައި ފުލުހުން ވަނީ އެ ސަފާރީ އިން 39 އަހަރުގެ ދެ ދިވެހިން ހައްޔަރުކޮށްފައެވެ. ފުލުހުން ބުނީ އެ މައްސަލާގައި ތަހުގީގަށް ހައްޔަރުކޮށްފައި ބެހެއްޓޭނެ އެކަށީގެންވާ ސަބަބެއް ނެތުމުން، އެ ދެމީހުން ވެސް މިހާރު ދޫކޮށްލާފައިވާ ކަމަށެވެ.
މި މައްސަލާގައި ތުހުމަތު ކުރެވޭ މީހުން ދޫކޮށްލުމާއެކު ގިނަ ބަޔަކު އަންނަނީ ފުލުހުންނަށް ފާޑުކިޔަމުންނެވެ.
މިމައްސަލާގައި ތުހުމަތުވާ މީހުންގެ މައުލޫމާތު ހާމަކުރުމަށް ޕޮލިސް މީޑިއާގައި އެދުމުން ވެސް އެކަން ހާމަކޮށްފައެއް ނުވެއެވެ. ނަމަވެސް ފުލުހުންގެ އޮފިޝަލަކާ ހަވާލާދީ "ވޮއިސް" އިން ރިޕޯޓުކޮށްފައިވާ ގޮތުގައި ކުށުގެވެށިން ގެންދެވިފައިވަނީ ސަރުކާރުގެ އިސްފަރާތެއްގެ ފިރިކަލުންނެވެ.
ހައްޔަރުކުރި މީހުން ދޫވި ނަމަވެސް އެ މައްސަލަ ތަހުގީގު ކުރަމުން އަންނަ ކަމަށް ފުލުހުން ބުންނެއެވެ.
Ads by STO
