ހިތުގެ އިޙުސާސްތައް ހުށަހަޅާ އެންމެ އިޝްޤީ ގޮތަކީ މިޔުޒިކާއި ލަވަ: ރައީސް ނަޝީދު
ހިތުގެ އިޙްސާސްތައް ހުށަހަޅާ އެންމެ އިޝްޤީ ގޮތަކީ މިޔުޒިކާއި ލަވަ ކަމުގައި ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ކިނބިދޫ ދާއިރާގެ މެމްބަރު މުހައްމަދު ނާޝިޒްއާއި އައްޑޫ މީދޫ ދާއިރާގެ މެންބަރު ރޮޒެއިނާ އާދަމްގެ ކައިވެންޏަށް 23 އަހަރު ފުރުމާ ގުޅިގެން ނާޝިޒަށް ހާއްސަ ކުރައްވައި ރޮޒައިނާ ވިދާޅުވެފައިވާ ލަވައެއް ޓްވީޓާގައި ހިއްސާ ކުރައްވަމުން، ރައީސް ނަޝީދު ކުރެއްވި ޓްވީޓެއްގައި ވިދާޅުވީ ހިތުގެ އިޙްސާސްތައް ހުށަހަޅާ އެންމެ އިޝްޤީ ގޮތަކީ މިޔުޒިކާއި ލަވަ ކަމުގައެވެ.
"ކިތަންމެ ދުވަހެއް ވިޔަސް އަދި ކިތަންމެ ފަހަރަކު ވިޔަސް ދިވެހިން ލޯތްބާއި ހިތުގެ އިޙުސާސްތައް ހުށަހަޅާ އެންމެ އިޝްޤީ ގޮތަކީ ހަމަ މިޔުޒިކާއި ލަވައިން" ރައީސް ނަޝީދު ވިދާޅުވިއެވެ.
ރައީސް ނަޝީދުގެ އެޓްވީޓަށް ރޮޒެއިނާ ވަނީ ޝުކުރު އަދާ ކުރައްވާފައެވެ.
ރޮޒެއިނާ އޭނާގެ ފިރިކަލުންނަށް ޚާއްސަކޮށް ވިދާޅުވެފައިވަނީ "ވާ ލޯތްބަކަށް ބަދަލެއް ނުވޭ" ކިޔާ ލަވައެކެވެ.
Ads by STO
