ފައިސާ ރައްކާކުރަން އެޅީ ގަހެއްގެ ތޮފަޅައަށް، ފައިސާތައް ވީ މަކުނުތަކުގެ ކާނާއަށް!
ފައިސާ ރައްކާ ކުރުމަށްޓަކައި އެކި މީހުން އެކިކަހަލަ ކަންކަން ކުރާތީ ފެނެއެވެ.މިޒަމާނުގައި ފައިސާ ރައްކާކުރަން ފައިސާ ލަނީ ބޭންކަށް ކަމުގައި ވިޔަސް، ދުވަސްވީ މީހުން ބައެއް ފަހަރަށް ފައިސާ ރައްކާ ކުރުމަށް ޓަކައި ފައިސާ ވަޅުލުން ފަދަ ކަންކަން ވެސް ކޮށްފައި އެބަހުއްޓެވެ. އަދި ފަހުން ބަލާއިރު އެ ފައިސާތައް ވީރާނާވެ ގިނަ އަދަދެއްގެ ފައިސާ ބައެއް މީހުން އަތުން ގެއްލިފައި ވެސް އެބަހުއްޓެވެ.
އިންޑިއާގެ އަންދްރާ ޕްރަދޭޝްގައި އޫރު ބަލަހައްޓާ މީހެެއް ކަމަށްވާ ބިޖިލީ ޖަމަލައްޔާ އޭނާގެ ޕެންޝަން ފައިސާތައް ރައްކާ ކުރުމަށްޓަކައި، އެ ފައިސާތައް ފޮރުވީ ގަހެއްގެ ތޮފަޅައެއްގެ ތެރޭގައެވެ. އެގޮތުން، އޭނާ އެތަނުގައި ފައިސާ އެއް ކުރާތާ މިހާރު ވަރަށް ގިނަ އަހަރުތަކެއް ވެެއްޖެއެވެ. އޭނާ އެތަނުގައި ފައިސާ ރައްކާކުރަން ފެށީ އޭނާގެ އާއިލާގެ އެކެއްގެ އަތުގައި ވެސް ބޭންކް އެކައުންޓެއް ނެތުމުންނެވެ.
ޖަމަލައްޔާ އެއްކޮށްފައިވާ 5 ލައްކަ އިންޑިއަން ރުޕީސް އެގަހުގައި އުޅޭ މަކުނުތަކެއް ކާލައިފައިވާ ކަން އޭނާއަށް އެނގުނީ ވިޔަފާރިއެއް ފެށުމަށް އެ ފައިސާއިން އެއް ލައްކަ ރުޕީސް ނަގަން އެތަން ބެލުމުންނެވެ.އެ ފައިސާތަކާ ޖަމަލިއްޔާގެ ދަރިން ކުޅެން ތިބި ތަން ފެނުމުން މިކަން ފުލުހުންނަށް ރިޕޯޓް ކޮށްފައިވަނީ އޭނާގެ އަވަށްޓެރިންނެވެ.
