ދަރިފުޅަށް ގަނެދިން ބުދުގެ ތެރޭގައި ފޮރުވާފައި ހުރީ މަސްތުވާ ތަކެތި!
އެމެރިކާގެ އެރިޒޯނާގެ ދެމަފިިރިއަކު އެމީހުންގެ އަންހެން ދަރިފުޅަށް ގަނެދިން ބުދެއްގެ ތެރެއިން ގިނަ އަދަދެއްގެ މަސްތުވާ ތަކެތި ފެނިއްޖެއެވެ.
އެ ބުދުގެ ތެރެއިން މިހާ ގިނަ އަދަދެއްގެ މަސްތުވާތަކެތި ފެނުމުން އެ ދެމަފިރިން ތިބީ ހައިރާންވެފައެވެ. އެ ބުދަކީ ކުރިން ވެސް މީހަކު ބޭނުން ކޮށްފައިވާ ބުދަކަށް ވާއިރު ބުދު ގަތުމަށްފަހު ދަރިފުޅަށް ދިނުމުގެ ކުރިން ދޮވެލުމަށް އެ ދެމަފިރިން ނިންމިއެވެ.
ބުދު ސާފު ކުރުމުގެ ތެރޭގައި އޭގެ ފުރަގަސް ހުޅުވާލިއިރު ފެނުނީ ކޮތަޅަކަށް އަޅާފައިވާ މަސްތުވާތަކެތި ތަކެކެެވެ. ޕާޓީ ޑްރަގްސް ކަމަށް ބެލެވޭ މި މަސްތުވާތަކެތީގެ 5000 އަށްވުރެ ގިނަ ގުޅަ އެ ކޮތަޅުގައި ވާނެ ކަމަށް މީޑިއާ ރިޕޯޓްތައް ބުނެއެވެ.
މި މަސްތުވާތަކެތި ފެނުމާއެކު އެމީހުން ވަނީ ފުލުހުންނަށް ގުޅާ އެތަކެތި ފުލުހުންނާ ހަވާލު ކޮށްފައި ކަމަށް ފުލުހުން ބުނެއެވެ. އަދި މި މައްސަލަ އިތުރަށް ބަލަމުން އަންނަ ކަމުގައި ވެސް އެގައުމުގެ ފުލުހުން އިތުރަށް ވަނީ ބުނެފައެވެ.
Ads by STO
