4 ކާރާއި ޕިކަޕެއް ޖެހި މާލެ ބްރިޖް މަތިން އެކްސިޑެންޓެއް ވެއްޖެ

4 ކާރާއި ޕިކަޕެއް ޖެހި މާލެ ބްރިޖް މަތިން އެކްސިޑެންޓެއް ހިނގައިފިއެވެ.

Ads by MWSC

ފުލުހުން ވިދާޅުވީ ސިނަމާލެ ބްރިޖުގައި ހަތަރު ކާރާއި ޕިކަޕެއް ޖެހި އެކްސިޑެންޓެއް ހިނގި ކަމުގެ މައުލޫމާތު ލިބިފައި ވަނީ މިއަދު 12:15 ހާއިރު ކަމަށެވެ. އަދި އެ ސަރަހައްދުގައި ފުލުހުން ހަރަކާތްތެރިވަމުން އަންނަ ކަމަށް ވެސް ފުލުހުން ވިދާޅުވިއެވެ.

މި އެކްސިޑެންޓުގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.

މި އެކްސިޑެންޓާ ގުޅޭ އިތުރު މައުލޫމާތެއް ފުލުހުން އަދި ހާމައެއް ނުކުރެއެވެ.

ފަހަކަށް އައިސް ސިނަމާލެ ބްރިޖް މަތިން އެކްސިޓެންޓްތަށް ގިނަކަން ފުލުހުން ވެސް ވަނީ ފާހަގަ ކޮށްފައެވެ. މިކަމާ ގުޅިގެން ފުލުހުން ހާއްސަ ސަމާލުކަމެއް ދީގެން ބަލަހައްޓަމުން އަންނަ އެއް ސަރަހައްދަކީ ވެސް ސިނަމާލެ ބްރިޖާއި ލިންކް ރޯޑެވެ.