ކަރަންޓީނުގައި ނެތް މީހަކު ފައްސިވެ، އުނގޫފާރު މޮނިޓަރިން އަށް

ރ އުނގޫފާރުން ކަރަންޓީނުގައި ނެތް މީހަކު ކޮވިޑަށް ފައްސިވުމާއެކު ރަށް މޮނިޓަރިންނަށް ލާން ނިންމައިފިއެވެ.

Ads by Hajj Corporation

އުނގޫފާރު ކައުންސިލުގެ ރައީސް އަބްދުއްނާސިރު އަލީ ދެން އާ ވާހަކަ ދައްކަވަމުން ވިދާޅުވީ، އެރަށުން ކޮވިޑަށް ފައްސިވެފައި ވަނީ އަންހެނެއް ކަމަށާއި، އެމީހާ ހުރީ ކަރަންޓީނުގައި ނޫން ކަމަށެވެ. މީގެ އިތުރުން އެރަށުން ކޮވިޑަށް ފައްސިވި އަންހެން މީހާގެ ފިރިމީހާ އަކީ ބޯޓު ދަތުރު ކުރާ މީހަކަށް ވުމުން، އެ ބޯޓުން ދަތުރު ކުރިން އެންމެން ޓެސްޓު ކުރުމަށް ހަމަޖެހިފައިވާ ކަމަށް ވެސް އަބްދުއްނާސިރު ވިދާޅުވިއެވެ.

ހަމައެއާއެކު މުޅި ރަށް ކަރަންޓީނަށް ލެވޭނެ ކަމަށާއި، ކޮންޓެކްޓު ޓްރޭސިން ގެ މަސައްކަތް މިހާރު ކުރެވެމުން އަންނަ ކަމުގައި ވެސް އަބްދުއްނާސިރު ވިދާޅުވިއެވެ.