ގައުމުގެ މިސްރާބު ހުރީ ނުބައި ދިމާލަކަށް: މުސްތަފާ

މީގެ އިތުރުން މުސްތަފާ ވިދާޅުވީ ކާޑުގެ ބާވަތްތައް ގަންނަން ސޮވެރިން ގެރެންޓީ ދޫކުރާ ހިސާބަށް ދިއުމަކީ ގައުމެއް ވެއްޓޭނެ އެންމެ ދަށު ދަރަޖަ ކަމަށެވެ.

“ހަނޑޫ، ހަކުރު، ފުށް ސޮވެރިން ގެރެންޓީ އިން ގަންނަން ޖެހުމަކީ ކުޑަ ކަމެއް ނޫން. މާނަ އަކީ ދިވެހިން ކާން ވެސް މި ޖެހުނީ ދަރަންޏަށް. އެތެރެހަށްޓަށް ލާ ކާއެތިކޮޅު ވެސް ހަލާލެއް ނުވި” މުސްތަފާ ކުރި ޓްވީޓެއްގައި ވެއެވެ.

ކާޑުގެ ބާވަތްތަކާއި ބޭސް ގަތުމަށް އެސްޓީއޯ އިން ނެގި 25 މިލިއަން ޑޮލަރު (385 މިލިއަން ރުފިޔާ) ގެ ލޯނަކަށް އަނެއްކާ ވެސް ސަރުކާރުން ވަނީ ސޮވެރިން ގެރެންޓީ ދީފައެެވެ. މިސަރުކާރު ވެރިކަމަށް އައި ފަހުން މިހާތަނަށް ފަސް ލޯނަކަށް ސޮވެރިން ގެރެންޓީދީފައި ވެއެވެ. އެއީ ގާތްގަނޑަކަށް 600 މިލިއަން ޑޮލަރު (9 ބިލިއަން ރުފިޔާ) އެވެ.