މިއޮތީ ބިއްލޫރި ތަށި ދޮވުމަށް މޮޅު ގޮތެއް!
ބިއްލޫރި ތަށި، ފެންފުޅި، އަދި ބިއްލޫރި މާ ޓުކުރި ފަދަ ތަކެތި ސާފު ކުރުމަކީ ގިނަ ފަހަރު ވަރަށް އުނދަގޫ ކަމެކެވެ. ސައިބޯނި ލައިގެން ކިތަންމެ ރީތިކޮށް ދޮވުނު ކަމުގައި ވިޔަސް މިފަދަ ބިއްލޫރި ތަކެތިން ފެން ހިކޭ އިރު ފެންތިކި ފެންތިކީގެ ނިޝާން ފެންނަށް ހުރުމާއި ފުސް ވެފައި ހުރުން ފަދަ ކަންކަން ވަރަށް ގިނައިން ދިމާވެއެވެ. ނަމަވެސް ބިއްލޫރި ސާފުކުރުމަށް ވަރަށް ފަސޭހަ ގޮތެއް އެބައޮތެވެ. މިކަމަށް ޓަކައި ބޭނުން ވަނީ ވިނިގާ އާއި ހަނޑުލެވެ.
ފެނުގެ ތެރެއަށް ސައިބޯނި ނުވަތަ ޑިޝް ވޮޝާއި ވިނިގާ އަދި ހަނޑޫ އަޅައިގެން ބިއްލޫރި ތަކެތި ވަރަށް ރީތިކޮށް ސާފު ކުރެވޭނެއެވެ. އެގޮތުން ސާފު ކުރަން ބޭނުންވާ ބިއްލޫރި ވާސް ނުވަތަ ތަށީގެ ތެރެއަށް މިތަކެތި އެޅުމަށްފަހު ރަނގަޅަށް ތަޅުވާށެވެ.
މިގޮތަށް ހެދުމުން ތަށީގައި ހުންނަ ހަޑިތަށް ފިލައި ތަށި ސާފު ވާނެއެވެ. ސަބަބަކީ ހަނޑުލަކީ އޭގެ ސަބަބުން މިފަދަ ބިއްލޫރި ތަކެތީގައި ހުންނަ ހަޑިތައް ފިލުވައިދޭ އެއްޗަކަށް ވާތީއެވެ.
ވަރަށް ހަޑި ވެފައި ހުރި ބިއްލޫރި އެއް ނަމަ ފުރަތަަމަ ވިނިގާ އެޅުމަށް ފަހު އިރުކޮޅަކަށް ބަހައްޓާށެވެ. އަދި އޭގެ ފަހުގައި ބާކީ ހުރި ތަކެތި އެޅުމަށްފަހު މަތީގައި ބުނެފައިވާ ގޮތަށް އަމަލު ކުރާށެވެ. އޭރުން ފަސޭހައިން ރީތިކޮށް ބިއްލޫރި ސާފު ކުރެވޭނެއެވެ.
Ads by STO
