އެމްޑީޕީއަށް ކައުންސިލު އިންތިހާބު ކާމިޔާބު ވުމުގެ އަސްލަކަށް ރައީސްގެ ތަރައްޤީވާނެ: މަޙްލޫފް
ކުރިއަށް އޮތް ލޯކަލް ކައުންސިލު އިންތިހާބު، ވެރިކަން ކުރާ އެމްޑީޕީއަށް ކާމިޔާބު ވުމުގެ އަސްލަކަށް ރައީސް އިބްރާހިމް މުޙައްމަދު ޞާލިޙްގެ ތަރައްޤީ ވާނެ ކަމަށް މިނިސްޓަރ އޮފް ޔޫތު، ސްޕޯރޓްސް އެންޑް ކޮމިއުނިޓީ އެމްޕަވަރމެންޓް އަހްމަދު މަޙްލޫފް ވިދާޅުވެއްޖެއެވެ.
މިނިސްޓަރ މަޙްލޫފް މިރޭ ކުރެއްވި ޓްވީޓެއްގައި ވިދާޅުވީ މި ސަރުކާރުން ގެނެސްފައިވާ ތަރައްގީ ރައްޔިތުންނަށް ފެނިފައިވާ ކަމަށެވެ.
"ރަށްވެހިފަތިސް ކެމްޕެއިން ބެއްލެވި ކޮންމެ ފަރާތަކަށް، ވޭތުވެދިޔަ ދެ އަހަރު ތެރޭގައި ރައީސް ޞާލިހު ގެންނަވާފައިވާ ތަރައްގީ ފެންނާނެ. އަދި ކޮވިޑްގެ އިގްތިސާދީ އަޑިގަނޑުގެ ތެރޭގައިވެސް ގެނެސްދެއްވި ތަރައްޤީ ސާފު" މިނިސްޓަރ މަހްލޫފް ވިދާޅުވިއެވެ.
މީގެ އިތުރުން މިނިސްޓަރ މަޙްލޫފް ވިދާޅުވީ ޔޫތު މިނިސްޓްރީން އެކަނި ވެސް 565 ޕްރޮޖެކްޓް ހިންގާފައިވާނެ ކަމަށެވެ.
ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބު ބޭއްވުމަށް ހަމަޖެހިފައި ވަނީ އޭޕްރީލް މަހުގެ 10 ވަނަ ދުވަހުއެވެ.
Ads by STO
