އިިންތިހާބަށް ވޯޓު ކަރުދާސްތައް ޗާޕުކޮށްފި
ކުރިއަށް އޮތް ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބަށް ބޭނުންވާ ވޯޓު ކަރުދާސް ޗާޕު ކޮށްފިއެވެ.
އިލެކްޝަންސް ކޮމިޝަނުން ބުނީ، ދެ އިންތިހާބަށް ޖުމްލަ 498،184 ވޯޓު ކަރުދާސް ޗާޕު ކޮށްފައިވާ ކަމަށާއި އެއީ ލޯކަލް ކައުންސިލްތަކުގެ އިންތިހާބަށް ޗާޕުކުރި 275،860 ވޯޓު ކަރުދާހާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބަށް ޗާޕުކުރި 222،324 ވޯޓު ކަރުދާސް ކަމަށެވެ.
މި ވޯޓު ކަރުދާސް ޗާޕު ކޮށްފައި ވަނީ "ނޮވެލްޓީ ޕްރިންޓާސް އެންޑް ޕަބްލިޝާސް ޕްރައިވެޓް ލިމިޓެޑުން" ނެވެ.
އިލެކްޝަންސް ކޮމިޝަނުން އަންނަނީ އިންތިހާބަށް ވާންޖެހޭ އެންމެ ފަހުގެ ތައްޔާރީތައް ވަމުންނެވެ.
މިދިޔަ އަހަރު ބޭއްވުމަށް ފުރަތަމަ ހަމަޖެއްސި މި އިންތިޚާބުގައި 3،934 ކެނޑިޑޭޓުން ވާދަކުރެއެވެ. އަދި މި އިންތިހާބުގައި 273،128 މީހުންނަށް ވޯޓްލުމުގެ ހައްގު ލިބިގެން ވެއެވެ. އޭގެ ތެރެއިން 5،134 މީހުންނަކީ އިންތިހާބު މި އަހަރަށް ފަސް ކުރުމުން، އެ މުއްދަތުގެ ތެރޭގައި 18 އަހަރު ފުރުނު މީހުންނެވެ.
