ވިލިމާލޭގައި ބަހައްޓާފައިހުރި ވޯޓު ފޮއްޓެއް ކައިރީ ބޮޑު ހަމަނުޖެހުމެއް ހިނގައިފި
ކ.ވިލިމާލޭގައި ބަހައްޓާފައިހުރި ވޯޓު ފޮއްޓެއް ކައިރީ ބޮޑު ހަމަނުޖެހުމެއް ހިނގައިފިއެވެ.
މިހާރު ކުރިއަށްދާ ލޯކަލް ކައުންސިލް އިންތިހާބާއި އަންހެނުންގެ ތަރައްގީ އަށް މަސައްކަތް ކުރާ ކޮމިޓީގެ އިންތިހާބުގައި ހަމަނުޖެހުން ހިންގާފައި ވަނީ މުޙްޔިއްދީން ސްކޫލުގައި ހުންނަ "ވިލިމާލެ-5 ޓީ18.5" ގެ ވޯޓު ފޮށި ކައިރީގައެވެ.
އެ ފޮށި ކައިރީގައި ހަމަނުޖެހުން ހިނގައިފައި ވަނީ ވޯޓު ލާން ދިޔަ މީހަކު ފޯނު ބާއްވަން ބުނުމުން ދެކޮޅު ހެދުމުން ކަމަށް ވެސް މައުލޫމާތު ލިބެއެވެ. އަދި ހަމަނުޖެހުން ހިންގި މީހާ މިހާރު ފުލުހުންގެ ބެލުމުގެ ދަށަށް ގެންގޮސްފައިވާއިރު، އެ ސަރަޙައްދުގައި ފުލުހުން ވެސް ހަރަކާތްތެރިވަމުން އެބަދެއެވެ.
އޮންލައިން ނޫސް "ވަގުތު"އަށް މައުލޫމާތު ދިން މީހަކު ބުނެފައިވަނީ، ހަަމަނުޖެހުން ހިންގި މީހާ ވަނީ އޭނާގެ އައިޑީކާޑު ދޭން ވެސް ދެކޮޅު ހަދާފައި ކަމަށެވެ.
އައިޑީ ކާޑު ދިނުމަށާއި ފޯނު ބޭއްވުމަށް ދެކޮޅު ހެދުމުގެ އިތުރުން އެ މީހާ ވަނީ ވޯޓު ކަރުދާސް އަޅާ ފޮއްޓަށް ވެސް ގެއްލުން ދީފައިކަމަށް އެނގިފައިވެއެވެ.
Ads by STO
