ތިން ވޯޓު ފޮއްޓެއްގެ ވޯޓުލުން ނިމި، ވޯޓު ފޮށި ބަންދު ކޮށްފި

މިހާރު ކުރިއަށް ދާ ލޯކަލް ކައުންސިލް އިންތިޚާބުގައި ތިން ވޯޓު ފޮއްޓެއްގެ ވޯޓުލުން ނިމި އެ ވޯޓު ފޮށިތައް ބަންދު ކޮށްފިއެވެ.

Ads by Hajj Corporation

އިލެކްޝަންސް ކޮމިޝަންގެ ތަފާސް ހިސާބުތަކުން ދައްކާ ގޮތުގައި މިއަދު 16:40އާ ހަމައަށް 56 އިންސައްތަ މީހުން ވަނީ ވޯޓު ލައިފައެވެ.

ހެނދުނުގެ ވަގުތުގައި ވޯޓުލާން ދިޔަ މީހުން މަދު ކަމުގައި ވިޔަސް ހަވީރު އަތަށް އެޅުމާއެކު ވޯޓުލާ މަރުކަޒުތަކަށް ވަނީ ބާރު ބޮޑުވެފައެވެ. އަދި ގިނަ ބަޔަކު ވޯޓުލައި މިހާރު ވަނީ 3 ވޯޓް ފޮއްޓެއްގެ ވޯޓުލުން ނިމި އެ ވޯޓް ފޮށިތައް ބަންދު ކުރެވިފައެވެ.

މިއަދުގެ 16:40އާ ހަމައަށް ވޯޓު ލާފައިވަނީ 155،192 މީހުންނެވެ. މި އިންތިޚާބުގައި ވޯޓުލުމުގެ ހައްޤު 273،128 މީހުންނަށް ލިބޭއިރު، ވޯޓު ލައިފައި ވަނީ 76،185 އަންހެނުންނާއި 79،007 ފިިރިހެނުންނެވެ.